المهدي: من يطالبون برفع الدعم يعيشون «سفلقة» على الدولة

انتقدت الدكتورة عالية المهدي، عميد كلية الاقتصاد والعلوم السياسية بجامعة القاهرة السابق، المطالبات برفع الدعم عن الفقراء، مؤكدة أن هؤلاء المطالبين برفع العدم يعيشون عالة على المجتمع الفقير الذي يعد أساس بناء المجتمع.
وقالت المهدي، عبر صفحتها الشخصية على موقع التواصل الاجتماعي "فيس بوك": "فيه ناس للأسف شافية إن الفقراء ما يستحقوش لا دعم و لا نيلة (أسفة للغة) دول عايشين سفلقة علي حسابنا !!! الدولة مش مفروض تدي أكتر من كده.. كفاية بقي بلا هم.... احنا عايزين نفوق و نقّب لفوق زي باقي الدول و نبقي إد الدنيا لأننا من زمان قوي ام الدنيا".
وتابعت: "الناس اللي بيحتقروا الفقراء مش فاهمين إن الفقراء هما اللي بيرصفوا الطريق و يبنوا المساكن الفاخرة و الكومباوندات و محطات الكهرباء و بيزرعوا الارض و بينتجوا كل اكلنا و بيشتغلوا في المصانع و بيحفروا القنوات.... ليعمروا في الصحراء.... لكن اللي بياخد المزايا علي كل ده هما الكبار ...الفقير بياخد ايه؟".
ووصفت المهدي حالة المصريين قائلة: "تعليم .... زي الزفت و لازم دروس خصوصية لو عايز ابنه ينجح...صحة .... كله بثمنه... مفيش علاج مجان....ضمان اجتماعي..... مبالغ مازالت ضعيفة جدا تقل عن الحد الأدني للأجر ....مواصلات عامة.... مفيش غير الميكروباصات و التوك توك و كلاهما غاليين....سكن.... معظمهم يسكنون بيوت عشوائية تفتقر لأسباب الصحة البيئية ....الفقير بيضطر يشتغل عملين و ثلاثة احيانا علشان يوفي حاجة أسرته ... و مش مكفي....احنا من غير عمل الفقراء ما نعرفش نعيش اصلا....".