الكردوسي للمصريين: «شعب يخاف ما يختشيش»

وجه الكاتب الصحفي محمد الكردوسي، رسالة للشعب المصري قائلًا: "عزيزي المواطن سواء كنت تعبان في عيشتك أو مستريح، إذا كان بيت حضرتك من قزاز.. فمفيش داعي تحدف السيسى بالطوب ماشى يا ننوس عين مصر".
وأضاف الكردوسي، في تغريدة له عبر موقع التواصل الاجتماعي: "عايز أقول لحضرتك السيسى اللي مش عاجبك دلوقتى كنت بتبوس رجليه عشان يبقى رئيسك وعايز أقولك كمان إن السيسى هو أحسن حاجة فيك".
وتابع: "ياريت بعد ما تطفح وتشرب شايك وتضربلك نفسين جوزة.. تقعد مع نفسك يا حيلتها وتحط راسك بين رجليك وتتخيل داعش مستنياك على أول الشارع وبنتك الأمورة في أيدك عشان تسلمها بنفسك لسمو الأمير أبو بكر البغدادي".
واستكمل قائلًا: "وشوف إنت بقى تعيش من غير شرف ولا كرامة.. واللا تعيش من غير كهربا ولحمة وجوزة تعيش وتموت راجل واللا تقضيها.. شعب يخاف ما يختيشيش" - كما جاء بنص التغريدة.
ولم يتسنَ ل"المصريون" التأكد من صحة التغريدة.