رفض أولياء أمور طلاب الشهادة الثانوية العامة وقائع تسريب الامتحانات عن طريق صفحات الغش الإلكتروني عبر صفحة "شاومينج بيغشش ثانوية عامة" فى ساعات الصباح الأولى قبل دخول الطلاب اللجان، مؤكدين أن هذا العمل يهدر مجهود سنوات التعليم كاملة للأبناء المجتهدين ويتساوون بالطلاب الذين يعتمدون على الغش والتسريبات. وقالت إحدى الأمهات: "التسريبات بتتباع للطلاب وطالما كده ينزلوا التنسيق والطالب الفاشل اتساوى بالطالب المجتهد، من فضلك يا وزير أنا تعبانة مع أولادى فى المذاكرة أرجوك أبوس إيدك نزل التنسيق". أضافت أخرى: "قيلوا وزير التربية والتعليم لأنه فاشل أجل امتحان التربية الدينية، بيزود يوم عليهم ويتحرق قلوبهم فى الحر والصيام، مش كفاية بيعلوا التنسيق وبندفع أكتر من 25 ألف جنيه دروس فى السنة". وأوضحت أحد أولياء الأمور ل"المصريون" أن "التسريبات تخرج من داخل الوزارة عشان يسببوا التوتر للطلاب وأولياء الأمور ويعلوا التنسيق". وعلقت إحدى السيدات قائلة: "يغلقوا الإنترنت عشان يوقفوا التسريبات مش يضيعوا مجهود اللى بيذاكر طول السنة ويتساوى مع الطالب الفاشل اللى بيشترى الامتحان، واحد بيسرب الامتحانات من 3 سنين مش عارفين يقبضوا عليه، وأنا لو بنتى بتسرب امتحانات هبلغ عنها الشرطة".