العلاج على نفقة الدولة

ولا عاقل عشان أطلب تناولينى
دوا بايدك يداوينى
ماهوش معقول..
تكونى مرضى فى صُبحى
ودائى وعلّتى وجرحى
وينزف دمى من فعلِك
وآخر اليوم
أكون تعبان ومحتاجلك
واستجديكى برشامة
تسكّن ألمى لدقايق
وتحبس صرختى فيّا
كما لو كنتى شغالة..
تمرجى نوباتشى على أوضتى
بيحقن جسمى بمسكّن
عشان صوتى ما يزعجهوش
ساعة ما ينام
ولما نقوم..
نعيد الكرّة من تانى
وأنا وهوه..
على سريرى وعلى كرسيه
بنتمنى لبعض الموت