أحمد عيد عبدالملك: الزمالك غير مبشر.. ويجب تدخل الإدارة قبل التوقف القادم

يرى أحمد عيد عبدالملك لاعب فريق كرة القدم الأول بنادي الزمالك السابق، أن أداء الفارس الأبيض، غير مبشر، عقب مرور 9 جولات من الدوري المصري.
وقلب فريق كرة القدم الأول بالنادي الأهلي، تأخره لفوز ثمين بهدفين لهدف، خلال قمة مواجهات الجولة التاسعة ضد الزمالك، في الدوري المصري.
وتقدم لفريق الزمالك اللاعب حسام عبدالمجيد من ركلة جزاء، وعاد الأهلي عن طريق البديل حسين الشحات ونائب القائد محمود حسن تريزيجيه. الفوز رفع رصيد الأهلي للنقطة 15 محتلا المركز الثالث، بينما توقف رصيد الزمالك عند النقطة 17، متصدرا للترتيب.
وكتب أحمد عيد عبدالملك على حسابه الرسمي على «فيسبوك»: «بعد 9 جولات الزمالك غير مبشر ومفيش استمرارية ودور الجمهور كبير في التصدر لحد الآن حتى لو اتكلمنا وقولنا الراجل ياخد فرصته وأنا كنت مؤيد لكدة لحد من قريب بس المشاكل الكتير مع اللاعيبة اللي مش منطقية وتصريحات متناقضة منه في أغلب الأوقات تدل على عدم السير في طريق صح».
وتابع: «الزمالك عنده فرقة تقدر تنافس كويس في الدوري للأمتار الأخيرة بشوية تنظيم وتوفير بدلاء على الدكة كل ماتش وفقا لسيناريوهات الماتشات وده دور الكوتش طبعًا.. اللي مش منطقي إن نفس الأخطاء بتحصل ونفس السيناريوهات في الأهداف كل ماتش حتى اما بتستقبل وعندك وقت في الماتشات الللي خسرت فيها نقط مكانش ليك ردة فعل في أي مباراة. ونفس فكرة قراءة الماتش والتغيرات اللامنطقية والعشوائية في أغلب المباريات كمان موجودة».
وأشار: «الأهلي عنده فرقة وبدلاء النهاردة جيدين غير المصابين ونفس الفكرة عند بيراميدز. الزمالك يقدر ينافسهم للآخر وهو متصدر لحد الآن بشئ من التنظيم وكوتش عنده دراية بكل شئ وتوظيف اللاعيبين جيدًا وحتمًا لابد من التدخل في فترة التوقف الدولي القادم قبل فوات الأوان. كل ده بعيد عن الأداء المزري بتاع ماتش النهاردة اللي كفيل ينهي مسيرة أي كوتش مع فرقة كبيرة».