طليقة مسلم تتحدث عن انفصالها: «هاخد حقي بالقانون.. ومش هعيش وسط الناس دي تاني»

تحدثت يارا تامر، طليقة المطرب مسلم، عن انفصالها عنه وخلافها مع آية زكريا شقيقة المطرب، موضحة أنها ستحرر محضرا ضدها .
وقالت يارا تامر، في فيديو عبر «انستجرام»: «أنا مش هطلع أتكلم في الموضوع دا تاني، مش هطلع أرد على شقيقة مسلم لو نزلت حاجة أو قالت حاجة عليا، مش هاخد حقي غير بالقانون، هخلي المحامي بتاعي بكره يروح للنائب العام، وأنا أعتذر إني دخلت الناس في الموضوع دا، حطوا نفسكوا مكاني، دا شرفي وعرضي، مكنش ينفع أسكت، وأنا مش هعيش وسط الناس دي تاني».
وأثار المطرب مسلم الجدل بعد ظهوره في بث مباشر عبر إنستجرام وهو يبكي بشدة، معلنًا أن طلاقه من زوجته يارا لم يكن بحثًا عن تريند أو بسبب مشاكل عائلية بينها وبينه، بل بسبب الضغوط التي عاشها مؤخرًا.
وقال مسلم: «أنا طلقت مراتي يارا لأنها محترمتنيش في عز غيابي وعز تعبي، مطلقتهاش علشان حد ولا علشان أعمل ترند. يارا ربنا يكرمها إنسانة محترمة خدمتني في كل حاجة وكانت زوجة على أكمل وجه ومشفتش منها أي حاجة وحشة».
وأضاف: «إخواتي وأهلي سبب كل طلاقاتي، وتصرفاتهم الوحشة كانت السبب في كل اللي حصلي في حياتي الأسرية، ويارا مقدرتش تستحمل اللي بيعملوه معاها، خاصة أنهم خاضوا في عرضها، أنا ظلمتها بسببكم».
اقرأ ايضًا:
أحدثهم مسلم ويارا تامر.. حالات الطلاق تطارد الوسط الفني في 2025
أول تعليق من يارا تامر بعد انفصالها عن مسلم :«أنا اتظلمت كتير»