وفاء عامر ترد بغضب على اتهامها بتجارة الأعضاء: «أنا ست مصرية حرة.. وهعرف أجيب حقي»

علقت الفنانة وفاء عامر على الشائعات التي طالتها مؤخرًا عبر مواقع التواصل الاجتماعي، والتي تضمنت اتهامات زائفة تتعلق بالاتجار في الأعضاء البشرية، مؤكدة أنها حملة ممنهجة تستهدفها وتشوه صورتها دون وجه حق.
وخلال مداخلة هاتفية لبرنامج «الستات» عبر قناة «النهار»، قالت وفاء:«الست دي اختارت أكبر نجمة على تيك توك، وأنا فعلًا من الأكثر متابعة على المنصة، ومع ذلك مش بظهر كتير، إلا لو فيه حالة إنسانية حقيقية محتاجة دعم زي حالة الطفل على محمد دوشين، اللي علاجه مش متوفر في مصر وتكلفته 150 مليون جنيه، فبنطرق كل الأبواب وده تحت رعاية وزارة التضامن، يعني مش لمصلحتي الشخصية».
وأضافت: «اللي بيحصل هو ضرب في القوى الناعمة لمصر. عندنا نقابات قوية ونقيب فنانين ما بيسكتش على الظلم، محدش هيقدر يسكتنا غير بالموت».
وطالبت وفاء عامر، الفنانة المعتزلة إيمان الطوخي بالخروج عن صمتها والحديث عن ما يثار، قائلة: «لماذا كل هذا الصمت من إيمان الطوخي؟! ما تطلع تتكلم وتقول مش بنتي، حتى لو هي معتزلة أو محجبة»، مؤكدًة أنها لن تتواصل مع إيان الطوخي، خاصة أن القضية مثارة على مستوى الرأي العام، وأحدثت جدلًا كبيرًا خلال الأيام الأخيرة.
وتابعت وفاء عامر: «أنا ست قوية وعنيدة، ومبنامش غير لما آخد حقي، ولو اللي قدامي ضعيف بسامحه، لكن الحالة دي وراها ناس، وأنا هجيب كل اللي وراها. بلدنا قوية، ونائب عامنا قوي، وأنا بتحدى أي حد يثبت أن الست دي بنت الرئيس الأسبق حسني مبارك، إحنا ما عندناش الكلام ده».
واختتمت حديثها قائلة: «أنا ست مصرية حرة، زوجة راجل محترم وبنت راجل جدع، وعيلتي فيها رجالة، وما طلبتش من حد يدافع عني عشان لما يتقال حاجة يتقال إني دافعت عن نفسي بإيدي».