«قولت الأهلي هيلعب 3 مباريات ويرجع».. محمد عمارة ردًا على منتقديه: «أنا مش كفتجي»

رد محمد عمارة نجم النادي الأهلي السابق، على منتقديه بسبب تصريحاته السابقة قبل مونديال الأندية بأن الأهلي سيخوض 3 مباريات في كأس العالم للأندية ويعود للقاهرة.
وأثارت تصريحات عمارة غضب بعض جماهير النادي الأهلي، وشككوا في انتمائه للمارد الأحمر، بعدما قال إن الأهلي هيلعب 3 مباريات وهيرجع من المونديال.
وقال محمد عمارة في تصريح تليفزيوني عبر شاشة «إم بي سي مصر»: «أنا كان عندي رؤية، وأنا مش لعيب كفتجي ولعبت في أقوى دوريات العالم بنتكلم على البوندسليجا وكان فيها عمالقة».
وأضاف: «كان ليا معطيات قبل البطولة خليتني أقول الكلام ده قبل البطولة إن الأهلي هيلعب المجموعات ويرجع، وكان قلبي جريء ومتطمن إن ده رأيي ومش هتنازل عنه ولازم أقوله».
وتابع: «المعطيات كانت إن المدرب خوسيه ريبيرو جيه في وقت خاطئ، ثانيًا توقيت اللعيبة اللي انت جبتها، ورغم إنهم ممتازين ومحترمين، ولكن التوقيت اللي هما يدخلوا فيه على الفرقة والانسجام قبل البطولة ب10 أيام، ده كان بالنسبالي توقيت مش مناسب».
وأوضح: «ثالث حاجة حالة الأهلي قبل البطولة، مكنتش اللعيبة مؤهلة إنها تدخل البطولة، في ظل إن الأهلي جايب أحسن لعيبة زي زيزو وحمدي فتحي وبن رمضان وأليو ديانج وغيرهم».
واختتم: «رحيل علي معلول كان خاطئ، ولو موجود كان هيفرق بشكل كبير، وهو مختلف بشكل كبير عن أي حد ومن بينهم يحيى عطية الله والعش».