«بتاخدوا عقود كبيرة لازم تاكلوا النجيلة».. إلياس الجلاصي يفتح النار على لاعبي الزمالك

هاجم التونسي إلياس الجلاصي، صانع ألعاب الفريق الأول لكرة القدم بنادي المصري البورسعيدي، عدد من الاعبين في نادي الزمالك، بسبب النتائج السلبية التي يحققها الفريق هذا الموسم.
وقال إلياس الجلاصي في تصريحات ببرنامج «اللعيب»، المذاع عبر فضائية «إم بي سي مصر»: «في لعيبة تستاهل تلعب في الزمالك، وفي لعيبة مع احترامي ليهم ميستهلوش ووصلوا لمرحلة أنهم يشككوا في زيزو، هيضروا باللعيبة اللي بتلعب من قلبها».
وأصاف: «الفرق الكبيرة لا تقف على أي لاعب، الزمالك لو وقف على بن شرقي أو شيكابالا، يبقى مش فرقة كبيرة، احنا بنتكلم عن الزمالك»، مضيفًا: «اللعيبة بتاخد عقود كبيرة لازم ياكلوا النجيلة».
وتابع: «بعض اللاعبين في الزمالك لا يبذلون جهد في الملعب بربع ما يتقاضونه، ولا يشعرون بالمسؤولية الملقاه عليهم تجاه الجمهور».
وعن تراجع مستوى سيف الدين الجزيري، قال: «الجزيري، خطورته في المساحة والكرات العرضية، مفيش لاعب بيعمله كرة عرضية صحيحة».
وتابع: «الجزيري، يتصنف أحسن واحد في الوحشين، أنت جايب واحد أفريقي، وبياخد مرتب كبير ومبيديش حتى ربع حق النادي، مش حقه هو».