«فين اللي بيقولوا إلا الأم؟».. إيناس عزالدين تعلق على حادث قتل سيدة ل3 من أبنائها بالشروق

علقت المطربة إيناس عزالدين على اعترافات والدة ال 3 أطفال والتي قتلتهم داخل فيلا بمنطقة الشروق، في واقعة مأساوية تُحقق فيها النيابة العامة بعدما تورطت الأم في قتل أبنائها في ظروف غامضة.
وقالت «إيناس» عبر «فيسبوك»:«فين اللي كانوا بيقولوا إلا الأم يا جماعة، اه فيه أمهات بتأذي ولادها وفيه أمهات بتقتل ولادها سواء علشان راجل ولا علشان ظروف ولا علشان تعبانة في دماغها ولا علشان ما كانش ليها جواز ولا خلفة من الأساس ولا عشان أنانية وفيه أمهات بتموت عيالها بالحياة وأمهات بتبتز أولادها وأمهات فاكرين إنهم بما إمهم خلفوا فالعيال يعيشوا عبيد ليهم مدى الحياة وفيه اهالي غير اسوياء كتير».
وأضافت :«فاللي يقولك إلا الأم ولا إلا الأب مستحيل يأذوا عيالهم ده باللي في رجلك وتديله وتدعي يارب يدوق من نفس اللي انت دوقته علشان يعرف أن الله حق»
إيناس عز الدين تكشف عن إصابتها بقطع في العين: «محتاجة غرز»
كشفت المطربة إيناس عز الدين، مؤخرا عن إصابتها بقطع في ملتحمة العين، وذلك بعد يوم من اعتذارها عن عدم استكمال جدول حفلاتها بسبب تعرضها لنزيف القولون.
إصابة إيناس عز الدين بقطع في العين
ونشرت إيناس عز الدين صورة توضح إصابة عينها، عبر حسابها الرسمي على «فيسبوك»؛ معلقة: «الحمد لله كثيرا.. قطع في ملتحمة العين حصل، العيب فيا أنا عارفة فقرية.. أنا عايزة أعيط».
وعن سبب الإصابة، قالت: «وأنا نايمة وبتقلب الغطاء دخل في عيني ومحتاجة غرز في العين، والدكتورة مش مصدقة أن القطع يحصل من خبطة الغطاء أصلًا بتقولي ده جرح حاجة حادة».
إيناس عز الدين تعتذر عن حفلاتها
يذكر أن المطربة إيناس عز الدين اعتذرت عن عدم استكمال جدول حفلاتها الغنائية، قبل أيام، بسبب تدهور حالتها الصحية، وكتبت عبر حسابها الرسمي على «فيسبوك»: «بعتذر جدًا عن باقي مواعيد حفلاتي النهارده أنا من إمبارح دخلت في هجمة ونزيف قولون تقرحي وحاولت آجي على نفسي واشتغل علشان عندي التزامات بحفلات وخلصت أول حفلة وعدت بسلام ونجاح وفي تاني حفلة النزيف اشتد عليا وكنت بيغمى عليا لولا ستر الله وكملتها للنهاية بالعافية فبعتذر عن عدم استكمال باقي حفلات اليوم وبعتذر لفرقتي العزيزة».