«متقللش منه».. مشادة على الهواء بين جمال عبدالحميد وأحمد بلال بسبب ميدو (فيديو)

نشبت مشادة بين جمال عبدالحميد، نجم نادي الزمالك الأسبق، وأحمد بلال، نجم النادي الأهلي السابق، وذلك بعد تصريحات أحمد حسام «ميدو»، عضو لجنة التخطيط بنادي الزمالك، وهجومه على لاعبي القلعة الحمراء عقب مباراة بالميراس البرازيلي.
وقال أحمد بلال، في تصريحات تلفزيونية عبر فضائية «النهار»، ردًا على تصريحات «ميدو»: «كلام مضحك، مش ميدو، ده اللي قال على مصطفى شلبي، أحسن لاعيب في مصر! قال مصطفى شلبي، أحسن جناح في مصر!»
ورد، جمال عبدالحميد، منفعلًا على أحمد بلال: «ميدو، مش قليل في الكورة، هو يقول اللي يقوله دي وجهخة نظره، متقللش من وجهة نظره».
وأضاف: «مصطفى شلبي، من أحسن اللعيبة في مصر، بيروح على اللعيبة مبيخافش، واللي بيقولك الكلام ده، كابتن منتخب مصر في كأس العالم 90».
ورد أحمد بلال،: «مينفعش ميدو يقول كده على الأهلي، الأهلي واخد تالت العالم»
وعلق جمال عبدالحميد، قائلًا: «بقولك إيه با بلال، الفرقة اللي واخدة تالت العالم على 6 فرق متبقاش تالث العالم، إيه تالت العالم على 6 فرق! تكسب ماتش وتخسر ماتشين تبقى تالت العالم! انتوا بتهزروا، بطولة كأس العالم في النسخة الحالية هي البطولة الحقيقية».