«ده اللي قال مصطفى شلبي أحسن لاعب في مصر».. أحمد بلال يسخر من ميدو.. وجمال عبدالحميد ينفعل

سخر أحمد بلال، نجم النادي الأهلي السابق، من أحمد حسام «ميدو»، عضو لجنة التخطيط بالقلعة البيضاء، وذلك بعد تصريحاته ضد لاعبي الفريق الأول لكرة القدم بالقلعة الحمراء.
كان ميدو، قال معلقًا على خسارة الأهلي أمام بالميراس البرازيلي، بهدفين دون رد: «مفروض لعيبة الأهلي تقدم مردود أفضل من كده بكتير حتى لو هتخسر المباراة، النهاردة أنا أسف إني أكون بتابع ماتش لفريق عنده تاريخ كبير زي الأهلي، ويكون كل اللعيبة في الملعب بلا استثناء مش عارفين يعملوا أساسيات الكورة! الاستلام والتسلم والوقوف في الكورة الثابتة والتحركات، الأساسيات بتاعة الكورة مش عارف تعملها! فده كرجل مصري محب للكرة المصرية ازعل وأحزن على اللي وصلتله الكرة المصرية، احنا وصلنا لكده لأن الإعلام بيفخم ويتغنى باللعيبة محدودي الإمكانيات بيظهروا قدام فرق أقل من المتواضعة في الدوري المصري، لما بتطلع في المستوى وتقابل أندية قوية المستوى الحقيقي بيبان«.
وقال أحمد بلال، في تصريحات تلفزيونية عبر فضائية «النهار»: «ميدو، ده اللي قال على مصطفى شلبي، أحسن لاعيب في مصر، انتو عايزيمن ايه تاني بقى».
وانفعل جمال عبدالحميد، ورد على تصريحات أحمد بلال، قائلًا: «ميدو، مش قليل في الكورة، هو يقول اللي يقوله دي وجهخة نظره، متقللش من وجهة نظره».