ريبيرو يكشف عن حقيقة رغبته في ضم لاعبين من أورلاندو.. ويؤكد: «هنتعاقد مع صفقات تاني»

كشف الإسباني خوسيه ريبيرو المدير الفني الجديد لنادي الأهلي، عن رؤيته لملف الصفقات في النادي الأهلي الفترة الأخيرة، وهل يرغب في ضم صفقات أخرى.
وقال ريبيرو خلال استضافته في برنامج حارس الأهلي المذاع على شاشة قناة الأهلي: «لم أفاوض أي لاعب من أورلاندو بايرتيس فريقي السابق، على الرغم من أن هناك لاعبين كثر مميزين جدًا وأيضًا يوجد في فرق أخرى، ويقدروا يوصلوا لأندية كبيرة».
وأضاف: «لكني عمري ما اتكلمت على إن لعيب يجي من أورلاندو للنادي الأهلي، لإني بحترم كمان الفريق ده جدًا ومقدرش أطلب حاجة زي كدة، وبشوف إن المجموعة الموجودة وبشوف إنهم يقدروا يحموا النادي الأهلي، والتشكيلة الموجودة مميزة جدًا، ويقدروا ينافسوا على مستوى القارة».
وتابع: «بشوف لو نقدر نحسن من بعض المواقع في النادي الأهلي، في لعيبة خرجت من النادي الأهلي، وشوفت اننا محتاجين نغطي الأماكن اللي بقيت فاضية بعد ما هما مشيو، ولكن المجموعة اللي موجودة فيها على الأقل اتنين لعيبة مميزين ومش عايزين نتسرع في إننا نبص على لعيبه تاني دلوقتي».
وأوضح: «تركيزنا كله دلوقتي على البطولة اللي جايه، وهيوضح كل حاجة، وده ميمنعش لو في فرصة إننا نتعاقد مع لاعبين تاني أقوياء، وخاصة إن النادي بينافس في بطولات كتير وقوية».