«الملعوب اتكشف».. إبراهيم المنيسي يفتح النار على بيراميدز بعد قرار «كاس»

علق إبراهيم المنيسي، رئيس تحرير مجلة النادي الأهلي، على قرار المحكمة الرياضية الدولية «كاس» برفض نظر الشكوى المقدمة من السماوي بإجراءات استثنائية.
كان بيراميدز تقدم بتظلم إلى المحكمة الرياضية الدولية بسبب عدم خصم 3 نقاط من النادي الأهلي على إثر أزمة عدم حضوره مباراة القمة أمام الزمالك في الدوري.
وقال إبراهيم المنيسي، في فيديو نشره عبر موقع «يوتيوب»: «ملعوب بيراميدز اتكشف وبان ويستحق أنه يتعامل بعد كدة بالقانون وبشدة القانون كمان، المحكمة الرياضية الدولية محتاجتش وقت كبير عشان تاخد قرارها برفض الشق المستعجل اللي بيراميدز بسلامته بيطالب بيه الخاص بتجميد إعلان بطل الدوري».
وأضاف: «بيراميدز كان عايز يوقف المراكب اللي في النيل والسفن اللي في البحر عشان سيادته، وفي الآخر ثبت بالدليل القاطع أنه لا يتسق مع اللوائح أو واقع الأوراق».
وتابع: «بيراميدز لما راح يشتكي كان فاهم أنه هيلعب لوحده في الجيم، وإن المحكمة الرياضية خلاص هتاخد قرار سمعًا وطاعًا استنادًا على دعم خارجي وتدخلات خارجية، والكلام اللي فضل عمرو أديب يردده الأيام اللي فاتت».