«ليه منكبرش النحاس».. تعليق مثير من سيد عبدالحفيظ على أنباء اتفاق الأهلي مع جوميز

كشف سيد عبدالحفيظ، مدير الكرة السابق بالنادي الأهلي، وجهة نظره في تعاقد الأهلي مع البرتغالي جوزيه جوميز المدير الفني السابق لنادي الزمالك، والفتح الحالي.
وانتشرت أنباء تفيد باقتراب تعاقد الأهلي مع جوزيه جوميز، لتولي قيادة الفريق بداية من الموسم المقبل.
وقال سيد عبدالحفيظ في تصريح تليفزيوني عبر شاشة «إم بي سي مصر 2»: «جوميز على دراية كبيرة جدًا بالكرة المصرية والإفريقية، وعنده دافع جدًا وتحدي كبير أنه ممكن ينجح، ويعتبر أنجح الناس اللي عملت شغل مع نادي الزمالك».
وأضاف: «جروس وبيسيرو مخدوش الفترة الكافية، ولكن جوميز بيعمل ماتشات كبيرة بشكل رائع، على الرغم من عدد اللعيبة اللي إمكانيتهم عالية مش كتير في فترته».
وأكمل نجم الأهلي السابق: «جوميز بيعرف يدير الماتشات الكبيرة، وفي مباراة القمة بالسوبر الإفريقي بيفاجآنا بتشكيلات غير متوقعة، فمن الممكن أن تكون فكرة اختياره كويسة، في ظل الاستقرار المالي».
وأردف عبدالحفيظ: «رأيي الشخصي، انا من هواه تكبير الناس أوي، يعني عماد النحاس لو أخد الدوري مع الأهلي نديلة فرصة، مع القوة اللي هياخدها من مجلس الإدارة، وفرقة الأهلي السنة الجاية هتبقى هايلة».
وواصل: «ده وقت اللي نكبر الناس اللي هما ولاد الأهلي والزمالك، ومدرب القطبين مش لازم يبقى أجنبي، ولكن لازم يكون عنده شخصية».
واختتم سيد عبدالحفيظ تصريحاته قائلًا: «في النهاية، وجهة نظري إن النحاس لو أخد الدوري يكمل، ولكن في حال الاستقرار على مدرب أجنبي ف جوميز أقوى المرشحين عشان إيديه في المطبخ».