جماهير الزمالك تفاجئ إبراهيم فايق بسبب أمير مرتضي منصور.. والإعلامي يرد: مش نستنى

فاجئت جماهير الزمالك، الإعلامي إبراهيم فايق، ب ردود أفعال قوية، بعد الإعلان عن استضافته أمير مرتضي منصور المشرف العام السابق على قطاع الكرة بنادي الزمالك.
وأعلن الإعلامي إبراهيم فايق استضافة أمير مرتضي منصور، في حلقته مساء اليوم الاثنين الساعة العاشرة والنصف مساءً، ليتلقى هجوم كبير من جماهير الفارس الأبيض قبل بداية الحلقة.
وعلقت جماهير الزمالك تعليقات قوية على منشور إبراهيم فايق جاءت كالآتي:«متكلمتش عن الاعتداء على كولر واستضفت وكيله ومانشيتات الصحف العالمية عن واقعة الإعتداء المهينة عليه ليه؟ ‏منشرتش فيديوهات الاعتداء ليه؟ متكلمتش عن تغيب زيزو عن تدريبات فريقه ليه، مبتتكلمش عن أوضة لبس الأهلي ليه؟ فين دعم بيراميدز ممثل مصر في إفريقيا؟ لما ترد على كل ده هتعرف رد سؤالك«.
بينما قال مشجع آخر:«هو أنت مش جيبت أمير عزمي بعد ما مشي من الزمالك بكام يوم، يا ترى هنشوفك بتجيب الأيام الجاية في لقاء ومكالمات سامي قمصان أو محمد رمضان أو كولر أو وكيله دينو لامبرتي ولا الناس دي مش على جدول أعمالك؟؟».
وعلق مشجعًا آخر:«خليك .. واطلع اتكلم عن عقد كولر».
وتابع آخر:«عشان أنت معدتش ابراهيم فايق حبيب الكل ماشي في سكة مش حلوة والمشكلة أني مش فاهم ليه ماشي فيها ربنا رزقك بحب الجميع ليه تاخد سكة تانية؟ ودا كلمتين لاخ خليك حبيب الكل وبلاش سكك تانيه ياكبير».
واختتم مشجعًا للفارس الأبيض:«والله .. فيك انتم قاصدين تخربوا النادي ... لو هما في الحكم كنت هتجيب حد من بره النادي عشان يقطع فيه ومبتعملش ليه كده مع الأهلي».
ليرد إبراهيم فايق على الجماهير قائلًا:«أول مرة في حياتي أشوف جدل وكلام على حلقة لسه ماتذاعيتش وهتتذاع على الهواء مباشرة يعني مش مسجلة حتى، ؟!؟ زي اللي بيتكلم على فيلم مدخلوش؟ وبيقول رأيه؟! مش نستنى الساعة 10:30 ونتفرج ونحكم كلنا، مساء الورد».