كيف يفكر كولر في مباراة صن داونز؟ شوبير يكشف خطة وتشكيل الأهلي

كشف الإعلامي أحمد شوبير حارس مرمى الأهلي ومنتخب مصر السابق كيف يفكر السويسري مارسيل كولر المدير الفني للفريق في مباراة العودة أمام صن داونز.
وانتهت مباراة الأهلي وصن داونز في ذهاب نصف نهائي دوري أبطال أفريقيا بالتعادل السلبي في جنوب أفريقيا ويتواجه الفريقان يوم الجمعة بالقاهرة في موقعة الإياب.
وقال أحمد شوبير: «كيف يفكر كولر في مباراة صن داونز؟، أنا هقول لكم كل حاجة وهشرح كل خطة وفوائدها ومخاطرها، بالنسبة للخطة فيه ناس بتقول يكمل بخطة الماتش اللي فات بعد ما أمن الدفاع وكان قريب في الشوط الثاني من خطف هدف وسجل هدفين ولكن اتحسبوا تسلل، ففيه ناس مؤيدة الطريقة دي وعنده جراديشار وطاهر قدام ومعاهم إمام عاشور بيلعب في أي حتة، وهيلعب هنا بتشكيل مباراة الذهاب برضه».
وتابع شوبير: «فيه وجهة نظر ثانية بتقول أنا بلعب في ملعبي وهروح أدافع، وبيقولوا نشيل واحد من ال3 اللي في قلب الدفاع وأزود مهاجم اللي هو أشرف بن شرقي ويلعب في الشمال وطاهر في اليمين وجراديشار رأس حربة، والمؤيدين بيقولوا دي خطة هترضي الجماهير وترجح كفة الأهلي على ملعبه وبين جماهيره».
وأضاف شوبير: «فيه حيرة وكان الله في عون مستر كولر هيلعب إزاي، وماتش زي ده تلاقي اللي يقول لك عايزين وسام أبوعلي عشان العرضيات وبيرعف بيقتنص الفرص، وناس تانية تقول لك لأ وسام بقاله فترة مش بيسجل أهداف وجراديشار جاهز ومتميز في الفترة الأخيرة، طب الشحات يلعب ولا طاهر يلعب، في ظل خبرات حسين الشحات الأفريقية».