العملية استغرقت 12 ساعة.. فريق طبي في «سيد جلال» ينجح في إعادة وتثبيت يد شاب بعد بترها بالكامل (صور)

نجح فريق طبى بمستشفي «سيد جلال» بباب الشعرية، التابعة لجامعة الأزهر، اليوم، في إعادة يد شاب قطعت بعد عملية استغرقت نحو 12 ساعة.
ونشر أحد الأطباء بمستشفى سيد جلال وهو الدكتور خالد أمين، بوست على صفحته على «فيس بوك» قال فيه: «عاشت جامعة الأزهر العريقة وكلية طب الأزهر الرائدة عاش أطباء مصر..المعجزة حصلت في أوضة العمليات… والإيد رجعت والحمد الله !«بعد جراحة استغرقت ما يقرب من 12 ساعة متواصلة» .
وتابع: «شاب صغير اتعرض لحادث مروع الإيد اتقطعت بالكامل من عند الرسغ! وفي لحظة… الحلم اتكسر، والأمل ضاع، والدنيا اسودّت. لكنهم والحمدلله في قسم جراحة التجميل – كلية طب الأزهر،ما بيعرفوش كلمة»مستحيل«.
وأوضح: "نواب جراحة التجميل بالأزهر دخلوا في سباق مع الزمن.. الحاله اتحجزت ودخلت على عمليات الطوارئ في أقل من نص ساعة وتم إجراء عملية دقيقة جدًا… وصلوا فيها شرايين، أوردة، أعصاب، أوتار، عضلات…كله اتوصّل بإتقان، وكأن الإيد عمرها ما اتقطعت".
وتابع قائلًا: وبفضل الله، وبإيدين أطباء مخلصين، وتحت توجيهات أساتذة عظماء، رجعوا الحياة لإيد كانت انتهت…رجعوا الإحساس، والحركة، والأمل.دي مش قصة خيالية… دي قصة حقيقية من قلب مستشفى سيد جلال بطب الأزهر..وهتفضل علامة من ضمن علامات كتير في تاريخ القسم، ودليل على اللي قدر أطباء من مصر في طب الأزهر يوصلوا له بإذن الله.
وقال: «دي مش مجرد عملية…دي حياة رجع ليها الأمل !،«والشكر موصول حقيقي» لاصحاب الفضل اللي بيتعلموا ولسه بيتعلموا على ايديهم، باقة من أكبر أساتذة جراحة التجميل في مصر والوطن العربي«برئاسة (اد/ طارق البانوبي ) استاذ جراحة التجميل بطب الازهر، وتحت توجيهات ودعم (اد/ محمد أسامة) استاذ مساعد جراحة التجميل بطب الازهر .
وأضاف: «شكر خاص حقيقي للناس اللي تعبت وسهرت وبفضل الله ربنا اعانهم وكانوا سبب في إعادة الامل: د. عبدالله السعدني مدرس م جراحة التجميل بالأزهر، وشكرا لفريق التخدير، والأطباء المقيمين بقسم جراحة التجميل: د/ احمد البحيري، د/ احمد عبدالحفيظ، د/ عمر جبريل، د / عبدالله ابو المجد، د/ حسام التهامي، د/ السيد حسن، د/ محمد هريسه، وفريق التمريض والعمليات».
واختتم قائلًا: ودائما كل الشكر للأزهر الشريف منارة العلم والايمان «برئاسة الإمام الدكتور أحمد الطيب شيخ الأزهر ،»وطب الازهر قلعة الطب التاريخية على مر العصور «برئاسة الدكتور حسين أبوالغيط، عميد كلية الطب جامعة الأزهر، وشكر خاص لإدارة مستشفيات جامعة الأزهر»، اللي وقفوا بجانب الحالة لحظة بلحظة ووفروا جميع التسهيلات عشان الحالة تتحجز وتتلقي الرعايه الصحية .