زوجة تكشف حيلة طليقها المهندس في محكمة الأسرة: «بيقبض 80 ألف جنيه» والزوج يرد: «2000 بس»

أقامت سيدة تقيم بمنطقة حدائق القبة دعوى نفقة صغار أمام محكمة الأسرة، طالبت فيها بإلزام طليقها، وهو مهندس، بالإنفاق على طفليهما – ولد وبنت – بعدما تنصل تمامًا من مسؤولياته تجاههما عقب الطلاق، ورفض المساهمة في أي مصروفات تخص احتياجاتهما الأساسية.
اقرأ ايضا: زوج أمام محكمة الأسرة: «مراتي عايزة آيشادو ب 2000 دولار» (التفاصيل)
وقالت الزوجة أمام المحكمة: «من وقت ما اتطلقنا وأنا اللي شايلة كل حاجة لوحدي، الأب مش بيصرف ولا حتى بيسأل، وكأن الأولاد دول مش ولاده. بطالب ب 5 آلاف جنيه نفقة شهرية للطفلين، و2000 جنيه لمصاريف الحضانة، و3 آلاف جنيه لمسكن الحضانة، ده أقل ما يحتاجوه علشان يعيشوا حياة كريمة».
وتابعت: «هو قدم للمحكمة أوراق بتقول إنه شغال في جهة خاصة ومرتبه 2000 جنيه، بس الحقيقة غير كده تمامًا، أنا قدمت مستندات تثبت إن دخله الشهري الحقيقي بيقارب 80 ألف جنيه، غير شغله الحر اللي بيكسب منه كويس جدًا، هو بيحاول يتهرب من مسؤولياته بأي شكل، لكن أنا مش هسكت».
اقرأ ايضا: سيدة أمام محكمة الأسرة: «والدة زوجي كانت بتراجع المصروف وتشوف اتصرف إزاي»
من جانبه، قال الزوج في الجلسة: «أنا ظروفي صعبة، وبشتغل شغلانة بسيطة بدخل محدود، ومش قادر أتحمل كل المبالغ دي اللي بتطلبها».
لكن الزوجة قاطعته قائلة: «هو ميسور وعارفين ده كويس، بس دايمًا كان بخيل علينا، حتى وهو عايش معانا، كنت أنا اللي بصرف على البيت والولاد، وهو عمره ما ساهم بحاجة، وكل ما كنت أطلب منه حاجة لأولاده، كان رده دايمًا (أنا مش بنك)،عشان كده ما قدرتش أكمل، وانفصلت عنه، لكن ماينفعش أولاده يدفعوا تمن بخله».
وأكدت الزوجة أنها لم تلجأ للمحكمة إلا بعد ما أغلقت كل الأبواب، ولم تجد وسيلة لضمان حقوق أطفالها سوى القانون، مشددة على أن كل ما تطلبه هو الحد الأدنى لحياة كريمة لطفليها، بما يتناسب مع مستوى دخل والدهم الحقيقي