«سايبلهم 700 مليون».. مرتضى منصور يهاجم مجلس الزمالك وشيكابالا

هاجم مرتضى منصور، رئيس نادي الزمالك السابق، مجلس الإدارة الحالي، برئاسة حسين لبيب، ومحمود عبدالرازق شيكابالا، قائد الفريق الأول.
وقال مرتضى منصور: «خلي عندكم دم. كفاية الناس دي، بيقولوا الأرض المحروقة، وأنا سايبلهم 700 مليون، كفاية، ده نادي محترم».
وأضاف في تصريحات خلال بث مباشر نشره «المصري اليوم»: «المدرب جوزيه بيسيرو ده وصل بمنتخب نيجيريا لمباراة نهائية، لكنه في أوضة اللبس لقى لاعب يقول ده يلعب وده ميلعبش».
وأكمل: «جم يمشوا عبدالواحد السيد بعد مشكلته مع حسين السيد وأحمد سليمان، شيكابالا كلم ممدوح عباس، قالك ميمشيش مكمل معانا».
وتابع: «لاعب يتحكم في قرار النادي؟ أه عشان ممدوح عباس متحكم في النادي كله».