بطولة أكرم حسني.. طرح تتر البداية لمسلسل «الكابتن» رمضان 2025

طرحت الشركة المنتجة لمسلسل «الكابتن»، بطولة الفنان أكرم حسني، تتر البداية الخاص بالعمل، الذي يُعرض خلال شهر رمضان 2025، على شاشة قناة «DMC»و منصة «شاهد».
تفاصيل مسلسل«الكابتن»
مسلسل«الكابتن» من 15 حلقة، بطولة أكرم حسني، اَية سماحة، سوسن بدر، أحمد عبدالوهاب، رحمة أحمد فرج، ،ميمي جمال، محمد رضوان، سامي مغاوري، أحمد الرافعي،، عمر شرقي، وئام مجدي، قصة أيمن الشايب وتأليف عمرو الدالي، ويقوم بإخراجه معتز التوني، وإنتاج كريم أبوذكري.،و تدور قصة الطيار حسام عز الدين، الذي يجسد شخصيته أكرم حسني. يرتكب حسام خطأ غير مقصود أثناء إحدى رحلاته الجوية، مما يتسبب في سقوط الطائرة. بعد الحادث، يجد حسام نفسه الناجي الوحيد، لكنه يُفاجأ بظهور أرواح بعض الركاب الذين يطلبون مساعدته في إتمام مهام عالقة، بهدف إنقاذ أرواحهم.
صناع تتر مسلسل «الكابتن»
تتر مسلسل «الكابتن»، بعنوان «حضرات السادة»، من غناء وكلمات أكرم حسني،ألحان كريم عاشور، توزيع أحمد وليد.
كلمات أغنية «حضرات السادة»
و تقول كلمات أغنية «حضرات السادة»: حضرات السادة.. برجاء الإنتباه.. ده النداء الأخير.. اللي ياما اتقال كتير..حضرات السادة.. بقول أهو وبعيد.. للقريب والبعيد.. للصغير والكبير..اللي راح راح.. واللي فات مات.. واللي كان كان.. يبقي ماتشتكيش..قوللي مين مين.. استفاد فاد.. لما عاش عاش.. من غير ما يعيش..ليه نخليها فرصة ضايعة.. لسه فيها خروجة صايعة..طظ في الناس اللي بايعة.. سيبك من كل اللي ضاع..زقططة أول مقابلة.. كلمة سر وضحكة هبلة..رحلة طالعة وجايبة طبلة.. رقصونا عالإيقاع..إلحق ارقص.
رقصة حلوة.. تترقص على غنوة حلوة ..تتلعب في وسط لمة.. لما تبقي اللمة حلوة..إلحق قول أسف بجد.. إلحق احضن أي حد..ده اللي يدي حد حق.. أحسن بردو من اللي خد..يا حظه اللي حظه من الدنيا انه عاشها في سعادة.. يا حظه..يا بخته اللي من بدري فهمها دي ملهاش إعادة.. يا بخته..يا بخته عشان محظوظ.. بتضحكله لما يعوز..و تلوي لغيره البوز ويجوز تسيبله الحراح..ماللي راح راح.. واللي فات مات.. واللي كان كان.. يبقي ماتشتكي..قوللي مين مين.. استفاد فاد.
لما عاش عاش.. من غير ما يعيش..في الهم زُق زُق.. وقوله تُؤ تُؤ.. مش عايزك لأ لأ.. مش طالبة خالص عكننة..لو كله طيخ طاخ.. اقلبها هئ مئ.. ما هو انت تستحق.. تدلع نفسك كام سنة..إلحق امشي في الشوارع.. اتعشي طاجن كوارع..فعل عيش خليه مضارع مستمر طول حياتك..لو بتحب قول وعبّر.. زعلّوك وماله كبّر..هو أصلا ايه يصبر.. غير الضحك عاللي فاتك..إلحق ارقص رقصة حلوة.. تترقص على غنوة حلوة ..تتلعب في وسط لمة.. لما تبقي اللمة حلوة..إلحق قول أسف بجد.. إلحق احضن أي حد..ده اللي يدي حد حق.. أحسن بردو من اللي خد.
اقرأ ايضًا
مايقرب من 40 عملا.. القائمة الكاملة لمسلسلات رمضان 2025 (الأبطال وقنوات العرض)