«معندوش خبرة الرد».. رامي صبري يتحدث عن خلافه مع ويجز

تحدث المطرب رامي صبري عن خلافه مع مطرب الراب ويجز، معبرا عن حبه له، ومؤكدا أنه فنان مميز يقدم موسيقى جيدة للغاية.
وقال رامي صبري، خلال لقائه ببرنامج «arab wood»:«كنت زمان بزعل وأنا قد ويجز كده، وكنت بعمل أكتر منه عالفكرة وعارف علشان هو لسه صغير معندوش خبرة الرد وأنا متفهم هذا الأمر، وشخصياَ أنا بحبه أوي ومعنديش مشكلة معاه».
وأضاف :«بحب فنه وقولت كده في البرنامج أنا معرفش ليه هو اضايق كده إنما هو فنان ويعمل مزيكا حلوة جداَ وبقول كده عالطول، وأنا مش ضد أي حد أي حد من حقه يعمل أي حاجة مادام مش بيأذي أي حد».
View this post on Instagram
A post shared by ArabWood (@arabwoodtv)
أبرز ما قاله الثنائي ضد بعضهما البعض
رامي صبري: ويجز مجتهد وبيذاكر
وقال رامي صبري خلال حواره مع الإعلامية أسما إبراهيم ببرنامج «حبر سري»، على شاشة «القاهرة والناس»، أنه ليس له علاقة بالمهرجانات ويرفض غنائه، ويرفض أن يترك اللون الذي تميز فيه من الغناء، مضيفًا: «أوافق أن أشارك في عمل غنائي ثنائي راب مع مروان بابلو وويجز، مؤكدًا أن ويجز مجتهد وفرض نجاحه وأغانيه معروفه، وجميع مطربي الراب نجحوا وليس هناك أي شخص ضد النجاح.
وشدد على أن ويجز شاطر ومجتهد وبيذاكر على الذي يتمزون فيه، موضحًا أنه قريب من الراب وليس المهرجان، و«المهرجان موسيقى شعبي جاي من تحت أوووي، لغة تانية غير اللغة بتاعتنا، فرقة زي كاريوكي متميزين ومجتهدين ولديهم صوت موسيقي ممتاز، لديهم مشروع ولهم جمهور وبيعملوا موسيقى مميزة ومحترمة، وحفلتهم تنجح بشكل كبير لغتهم زي اللغة بتاعتنا».
وتابع رامي صبري خلال لقاءه: «المهرجانات مش ذوقي وضد أي حد يقطع رزق حد.. طول ما المهرجان في نطاق الأدب والاحترام تمام وليس هناك أي شخص رقيب على الذوق العام، القانون لازم يتنفذ على الكل عشان نقتنع بفكرة المنع».
ويجز يرد على تصريحات رامي صبري بعد حديثه عن أغاني الراب
رد مغني الراب ويجز، على تصريحات المطرب رامي صبري بعد حديثه عن أغاني الراب، وقال ويجز في فيديو من خلال «ستوري» عبر«انستجرام»:«هتكلم على فنان فاكر إنه عنده الصلاحية إنه يطلع يتكلم عن أي حد في أي وقت والناس تسمع وتسكت.. الفنان ده اسمه رامي والفنان دا كل ما بيقعد من 4 ل 5 شهور يزهق ويطلع يتكلم على بتوع الراب في التليفزيون».
وأضاف: «هتكلم امتي على بتوع البوب اللى أنت منهم واللى في مجالك أنا شايف مبتفهمش في الراب حاجة زى ما أنت قولت قبل كدة ومش هتعرف تعمله وأنت كدة مبتقدرش الفنانين وفاكر أن هما عايزين يوصلولك وهما أصلا معدينك بكتير أنت رقم 19 يا رامي أنت بعيد أوي».