عمرو أديب: «المواطن بيبص على الفلوس مش الإنجازات»

علق الإعلامي عمرو أديب على حديث الرئيس عبدالفتاح السيسي في الأكاديمية العسكرية المصرية، الجمعة.
وقال «أديب» خلال برنامجه «الحكاية» عبر قناة «mbc مصر»، مساء الجمعة، إن مصر مرت بأزمة اقتصادية طاحنة خلال السنوات الثلاث الماضية.
وأضاف: «الناس مرت في أزمة اقتصادية السنتين تلاتة كانت طاحنة بجد، وشوفنا حاجات لا يمكن أن تنكرها».
وأوضح: «نعم، الدولة حدث تطور في بنيها الأساسية، لكن المواطن العادي، لا يفهم هذه العلاقات، وهذا ليس تقليلا من المواطن، في فرنسا بأحداث معينة المواطنين لم يفهموا هذا الأمر».
وتابع أديب: «المواطن دايما حتى لو فيه إنجازات بيبص للفلوس اللي في إيده وبيصرفها إزاي وبيجيب بيها إيه؟ هي من 10 سنين كانت بتجيب إيه؟ ودلوقتي بتجيب إيه؟ هي دي الحقيقة».
وأكمل: «أنا كمواطن ببص الفلوس دي بتجيب ايه، يعني من 10 سنين كيلو اللحمة كان بكام، وأنا دخلي زاد أد إيه، نحن نتحدث عن حاجات زادت 70% ويمكن أكثر».
واستطرد: «يجب في الفترة القادمة أن يشعر المواطن إن الفلوس اللي في إيديه تقدر تعمل له أكتر، أنا بقول الصراحة والأرزاق على الله، مهما قلت له، هيقول أنا عايز أعرف أنا في إيديه إيه؟ وهقدر أعيش إزاي؟ وكرتونة البيض بكام وكيلو اللحمة بكام؟»
عمرو أديب: المواطن دايما حتى لو مستحمل وفيه انجازات بيبص للفلوس اللي في ايده وبيصرفها ازاي وبيجيب بيها ايه
شاهدوا #الحكاية على #MBCMASR من الجمعة إلى الاثنين 10م بتوقيت القاهرة من هنا https://t.co/dw22cTIRCQ pic.twitter.com/nK31kRYTAe
— الحكاية (@Elhekayashow) January 10, 2025
اقرأ أيضًا:
*ما عدد الهواتف الشخصية المسموح بدخولها من المطار؟.. الجمارك تكشف
*عمرو أديب يعلق على فتح نصف مليون هاتف آيفون بمصر آخر 24 ساعة في 2024
*بعد اكتشاف أول حالة في مصر.. كل ما تريد معرفته عن مرض فيكساس VEXAS