عمرو أديب مهاجما الإخوان: «هتندفنوا بره.. ومش هتشوفوها تاني» (فيديو)

قال الإعلامي عمرو أديب، إن محاولات تنظيم الإخوان المستمرة لبث الخوف في نفوس المصريين لم تنجح، مشيرا إلى أن المواطنين يعيشون حياتهم بشكل طبيعي.
وقال أديب خلال برنامج «الحكاية» المذاع على قناة «إم بي سي مصر»: «الناس بتابع النادي الأهلي وبتروح شغلها وبتروح المدارس ومحدش خايف ولا قلقان ومحدش مهتم.. كل الحاجة تبص يمين وتبص شمال وتبسمل وتحولق».
وأضاف: «هو بيحاول برة يصدرلك خاف أنتوا وهنخاف من ايه احنا مالنا؟ ايه الحدوته اللي عندنا؟ عندنا مشاكل كبيرة زي أي دولة هو عايز ينقلك أن في زلزال ويا جماعة الزلزال بنحس بيه وتوابع الزلزال اللي حصل ده مبنحسش بيها».
وتابع: «النهارده الاجتماع عشان يقولك والله احنا أهو ياجماعة ياللي بتحاولوا تصدرولنا الضعف احنا بنصدر القوة احنا أقويا، ياجماعة كان التنظيم نفع نفسه أنا فاكر في 2013 كانت بتجيلي رسائل الجمعة الجاية الحق اهرب احنا مبنهربش من بلدنا احنا بنهرب في بلدنا».
وواصل: «في كام واحد يقولك لما أموت ادفني في مصر أنا أدفن جنب أبويا الثقافة دي فين؟ أنت تقابل المصريين بره يقولك تعالى ناكل أكل مصري مصر دولة قديمة جدا وفي تراكمات من الارتباط والثقافة غريبة أنا بكلمك عن آلاف السنين».
وأوضح: «هو كل ده بيحاول ينقلك ايه؟ طيب مانتوا كنتوا موجودين كنتوا خدتوها وانتوا جوة وانتوا هتندفنوا كلاب بره، وعمرك ما هتشوفها تاني واللي محصلش في 13-14 سنة مش هيحصل في التلات أربع شهور الجايين».
وذكر: «اسمحولي أزيدك من الشعر بيت يقولك نزلي حد يملالي ميدان التحرير طيب وحضرتك قاعد هناك في لندن، انتوا انزلولي عشان أنا آجي أركب ولما انزلك وبعدين؟ لا مانا جاي أنت مين؟ هتلقي بقي تاني فجأة حد وراه جهازين تلاتة مخابرات شايلنيه كما حدث».
عمرو أديب: احنا شعب مهما يحصلنا بنهرب جوة بلدنا مش بره.. ماحدش يقولك لما اموت ادفني في مصر في تراب بلدي غير المصريين
شاهدوا #الحكاية على #MBCMASR من الجمعة للاثنين 10م بتوقيت القاهرة من هنا https://t.co/dw22cTIRCQ pic.twitter.com/IS3Q8WqA4S
— الحكاية (@Elhekayashow) December 15, 2024