«كنت هموت».. محمود حميدة يكشف كواليس أصعب مشاهد فيلم شمس الزناتي (فيديو)

شوق الفنان محمد إمام جمهوره منذ قليل بطرحه صورة من كواليس فيلم شمس الزناتي- البداية، والذي من المفترض طرحه في السينمات خلال الفترة المقبلة، وسيتناول سيرة ورحلة أبطال الفيلم الأصلي منذ بداياتهم. في فيلم تعلق به المصريون وبأحداثه وبالموسيقى المميزة للملحن هاني شنودة.
في السطورالتالية أبرز كواليس العمل الأصلي على لسان بطل العمل محمود حميدة وأصعب المشاهد التي أداها في الفيلم.
محمود حميدة يتحدث عن شمس الزناتي
في لقاء له مع برنامج صاحبة السعادة منذ سنوات، تحدث محمود حميدة عن تفاصيل مشاركته في فيلم شمس الزناتي قائلًا:«كان أصحابي مصطفى متولي وعادل الميهي وسمير سيف وسمير فرج عملوا شركة إنتاج اسمها بوب أرت، وعادل إمام مضى لهم فيلم شمس الزناتي».
وتابع:«قالولي تعالى أعمل دور ضيف شرف في الفيلم فأبلغتهم إني مبعملش ضيف شرف، وموافق على مساحة الدور الصغيرة فده كان بالنسبة لهم مفاجأة».
وأوضح:«صورنا الفيلم في البدرشين، وناس كتير كانوا مفكرين أننا صورنا في الصحراء الغريبة وإحنا صورنا في البدرشين»
«مستاهلش الأجرة على التمثيل ده»
وتحدث محمود حميدة عن بداية تصويره للعمل قائلًا:«قالوا هيصوروا كذه مرة ولم يبدأوا تصوير، وأنا بحب أحضر للشخصية قبل التصوير، فلما لغوا التصوير كذا مرة وبعدين صوروا دخلت التصوير وأنا مش ماسك الشخصية».
وأوضح:«أنا فاكر أول شوت، دخلت مع العصابة بالحصان ونزلت منه، فسمير سيف قال ممتاز، قلت له:«ممتاز إيه يا أستاذ أنا مستاهلش الأجرة على التمثيل ده»، فعادل إمام ضحك جدًا على الجملة دي، وفعلاً مكنتش استاهل لأني مكنتش ماسك الشخصية».
محمود حميدة يكشف تفاصيل أصعب مشاهد فيلم شمس الزناتي
وتحدث محمود حميدة عن أصعب مشاهد الفيلم قائلًا:«كنت هموت في الفيلم ده، كان فيه شوت دسوقي مصمم المعارك عامله، المفروض أهل القرية بيعملوا مع فرقة شمس الزناتي مصيدة للعصابة وهيولوعها نار».
وتابع:«حاطين قش الرز وهيولعوا مرة واحدة، فكان فيه قش الرز وفوقه كان فيه تبن، وقش الرز كان ممتلئ جاز، وكان هيترش على التبن بنزين، فقلت لمصمم المعارك دسوقي مش هيحصل كده، قلت له بالطريقة دي هيحصل إنفجار».
وأوضح:«وقد كان حصل الانفجار، والحصان اللي راكبه طلع فوق وكنت لابس بدلة وزنها سبعة كيلو وشايل مدفع رشاش، فلاقيت واحد من زملائنا الحصان بتاعه هرب منه وجاي يخبطني أنا، فروحت واقع على الأرض، والحصان بتاعه خبط الحصان بتاعي طيروا ستة متر يعني لو كنت راكب على الحصان ودخل في كنت موت».