اكتب يا شاعر عن القدس.. اكتب عن جمالها عن شموخها.. وإنا من قوتها بنستمد صمودنا.. أنا شايفة دلوقتى القبة الذهبية ليها.. شايفة سور.. شايفة كل جامع موجود فيها.. يمكن دلوقتى عرفت ليه.. الكل بيتمنى الموت بالقرب منيها.. وكأنه بيتمنى القرب منها وإليها.. اكتب عن ملايين استشهدوا فى سبيلها.. اكتب إنها أرض المحشر والمنشر.. اكتب عن القدس اللى شايفاها دلوقتى.. كتير بيشفوها مكان مقدس.. وأنا بشوفها أكتر من نظرة تانى.. أنا احترت أحب مين أكتر هيا ولا تراب بلادى.. لقيت الاثنين أحلى من بعض.. لقيت هيا الدم ومصر شريان.. وشايفة مصر بتتسرق وبيدوسوا ولادها عالأحلام.. وشايفة الصهيونى بيقتل ويغتصب.. وكله فى حمى السلطان.. وأنا السجينة اللى مش قادرة أمد ليهم دراعى.. أنا مش عارفة أعمل حاجة للاتنين.. اكتب يا شاعر عن حبى للبلدين.. مصر وفلسطين. [email protected] كلية الطب