بيت العز يا بيتنا على بابك شلتنا.. بيت العز يا بيتنا دلوقت معاد حفلتنا.. فيك هيصة وهوليلة جمعت كل العيلة.. وأغانى وكلام يا حليلة ح ينور دنيتنا.. يا بيت العز واحسن عز يا بيتنا.. فى الحفلة الشلة تدلعنا وتفرحنا وتعشينا.. وتلاقى كلام ولا فى الأحلام يحقق طلباتنا وأمانينا.. وبعد الحفلة تجوعنا وتورطنا وتبكينا.. ويبقى رصيف البيت ملجأ لينا ولولادنا وأهالينا.. سجل يا زمان مالهمش أمان اكتب يا زمان.. وسيبونا فى حالنا وم اللى جرالنا اكتب يا زمان.. إن جيتو م الباب ح تخشو البيت بكلام كداب.. أو م الشباك زى الحرامية فى ليل وضباب.. دى كفاية سنين راحت فى عذاب ودموع وأنين وخراب بيتنا.. وأنتم شايفين عاملين ناسيين أو مش فاهمين ومش عارفينا.. سجل يا زمان مالهمش أمان اكتب يا زمان. [email protected]