أحمد البنداري عن أزمته مع محمد سعد: «ماقلتش إن الفيلم فكرتي»

قال المخرج أحمد البنداري إنه لم يتحدث في أزمته مع محمد سعد بأنه مؤلف فيلم الدشاش أو الحاوي سابقا مشيرا إلى عمل على السيناريو بصريا واستطاع تسويقه.
وأضاف البنداري في توضيح حول ازمته مع محمد سعد: «توضيح للسادة الصحفيين انا ماقولتش الفيلم فكرتي أو تأليفي.. هو تأليف جوزيف فوزي والبوست موجود ماتعملوش أي edit مفهوش الكلمة دي خالص ولا حتى تلميح لكده انا سردت اللي حصل والمجهود اللي بذلتة والغدر اللي حصل فقط وتوضيح تاني كان المفروض هينتج الفيلم تحالف انتاجي متكون من: الماسة- هاني رشاد، تريو- محمد نقرو، رن فيلز- كريم الشربيني، الجوريو- هيثم حسن، ديجيتال لاب- عز غنيم والصديق المشترك هو محمد كرم المقيم في دبي وهو صديق شخصي لمحمد سعد وصديق مقرب جدا مني وكل الناس دي تشهد اني ماشتغلتش على الفيلم اسبوع واحد فقط زي ما المؤلف قال».
وتابع: «يمكن هو يقصد بعد قعدة محمد سعد هما اتفقوا بعد اسبوع انهم يعملوا الفيلم من غيرنا بدون علمنا لأن بعد اختفاء سعد كنا مرشحين ممثل تاني خالص.. بالمناسبة في الأعراف السينمائية بيتكون ارتباط شبه كاثوليكي بين المخرج والمؤلف مادام المخرج ملتزم بالعمل على الفيلم بصريًا بالتوازي بتسويقه عند المنتجين وده بيثبت الجدية في التعامل.. فا لما اخد سيناريو واشتغل عليه بصريا بالشكل ده واسوقه عند المنتجين بيبقى صعب المؤلف يقول»من حقي اسحبه أي وقت«أو»اصل النجم مش عايزه«دي كده نبقى باعة جائلين مش سينمائين خالص.. النجم اللي انا رشحتة وكلمتة وانا اللي خدت معايا المؤلف معايا احتراماً ليه المهم بعد المجهود المبذول والمذكور في البوست الأصلي بالتفصيل.. انا حاولت استثني المؤلف من الموضوع ده حفاظاً على صداقتنا اللي خانها قبل كده وانا سامحتة.. لكن معرفش ليه هو خد صف الناحية التانية لتاني مرة معايا من غير أي اذى من ناحيتي بالعكس اعتقد انه ماشفش مني غير كل خير والتزام».