«اللمبي» في مرمى النيران.. أحمد البنداري يهاجم محمد سعد بسبب فيلم «الدشاش»

قال المخرج أحمد البنداري إنه عمل مع الفنان محمد سعد على فيلم «الدشاش» حينما كان يحمل اسم« الحاوي» محذرًا الجميع من التعامل مع محمد سعد في السينما.
وأضاف أحمد البنداري عبر «فيسبوك»: «فيلم الدشاش ده أصلًا اسمه كعب داير، وكان مترشحل ه نجوم تانية يا ريتني كنت روحت لأي حد فيهم.. المهم عن طريق صديق مشترك وديته لمحمد سعد تحت اسم الحاوي و كان سعد ترشيحي أنا رغم تحذير ناس كتير من التعامل معاه كنت مصمم عليه وشايفه نقلة ليا وليه».
وتابع: «المهم بعد 3 شهور شغل عليه من اللف على المنتجين بالتوازي شغل على التصور البصري كله directors treatment وvisual file وشكل الشخصيات واللبس والديكور وطريقة الإخراج والمونتاج وال color pallet وستوري بورد كاملة علشان اروح للنجم بتصور كامل للفيلم مش رايحين نهزر يعني،المهم بعد مكالمات ومواعيد كتير روحتلة البيت انا والمؤلف (اللي مش بالوم عليه لأنه بقاله كتير مستني فرصة من نجم المفروض انه كبير) المهم.. المفروض السيناريو كان عاجب سعد جدًا ومتحمس له جداً خصوصاً انه كوميدي دراما مش« فارس كوميدي»زي كل افلامه، وكان في شركة كبيرة ومنتج كبير موافق على الفيلم بحذر طبعاً لسمعة محمد سعد مع المخرجين انه لكني طمنته وقولتله ماتقلقش سعد عاجبه الفيلم ومتفقين على الخطوط العريضة كلها وكان شرط سعد الوحيد أن المنتج مايعترضش على اجره الكبير، ده كان كلامه بالحرف».
واستكمل: «المهم المنتج ده كلم سعد واداله اكتر من ميعاد وسعد لغى كل المواعيد لأسباب مختلفة.. لحد ما في يوم كلم هو المنتج وقاله أن الفيلم مش عاجبه وأن السيناريو ضعيف وانه عايز يبقى يحدد معاه ميعاد على فيلم تاني (لما نجم المفروض كبير يقول لمنتج أن الفيلم اللي بقالي شهور مجننه معايا فيه انه فيلم ضعيف ووحش هو قتلي فرصي مع المنتج ده وقتها) المهم.. لما المنتج كلمني وقالي استغربت جدا لأن ده عكس كلامه 100%، المهم بعدها كلمتة قالي نفس الكلام انه الفيلم مش عاجبه ماحبتش اطول في المكالمة خصوصاً أن ده حقه انه يعجبه فيلم أو مايعجبوش مع انه مقالش كده من الأول بالعكس والحمد لله على نعمة التكنولوجيا الواتساب كله موجود».
وقال «البنداري»: «الغريب اني اكتشف بعد كدة أن الدشاش هو الحاوي مع مخرج تاني ومنتج تاني ليهم كل الإحترام والتقدير والتمنيات بالتوفيق.. مع الفارق في نجم كبير جدًا مش هقول اسمه روحتله بفيلم.. شوفت منه صراحة ووضوح في اللي عاجبه واللي مش عاجبه وقاري الفيلم كويس مش حد قاري وحاكيله الفيلم ده غير التزام رهيب في المواعيد مع انه حقيقي مش فاضي لحد اخر 2025 يعني ممكن مانشتغلش الفيلم ده اصلاً مع بعض لكن عرفني ليه الراجل ده محافظ على نجوميتة بقاله 20 سنة تقريباً لأنه بيسمع للأخر وبيقرا كويس وملتزم لأقصى الحدود... ربنا يوفق الجميع وده كان تحذير لأي صانع افلام من التعامل مع محمد سعد من غير ما يكون مأمن نفسه ومجهوده 100%؜ لأن مجهودك والتزامك وصدقك دول شرفك في الشغلانة دي.. وهما اللي هيخلوك تعرف تحط صوابعك في عين التخين وتقوله كده غلط وعيب ومايصحش كده انت المفروض كبير والكبير مابيلفش ويدور.. عمومًا أنا بعد الموقف ده وموقف شبيه حصلي السنة اللي فاتت بادعي وباقول يا رب 5 ملايين دولار ونبطل شغل».