«بقلل من مصطفى!».. عصام الحضري يكشف لأول مرة أسباب خلافه مع شوبير

كشف عصام الحضري، حارس مرمى الأهلي ومنتخب مصر السابق، تفاصيل خلافه مع أحمد شوبير، حارس مرمى القلعة الحمراء الأسبق.
وقال عصام الحضري، في تصريحات تلفزيونية عبر فضائية «أون تايم سبورتس»: «شوبير، طلع وقال «أنا مستغرب الحضري، لما بتيجي سيرة مصطفى شوبير، بيقلل منه»، وأنا عمري في حياتي ما قللت من مصطفى شوبير، بل بعطيه حقه بأدائه اللي هو يستاهله وأكتر لأنه حارس مرمى على مستوى عالي».
وأضاف: «بقول للكابتن شوبير، أنا أكتر واحد يتكلم عن مصطفى كويس عن أي حد تاني، أنا في البرامج بتكلم عن مستوى بشكل جيد لأنه يستاهل».
وأوضح: «شوبير زعلان مني لأني قولت إن الشناوي، لما يرجع من الإصابة يلعب، مصطفى، لو استلم الراية بعد الشناوي، هقول كده».
وتابع: «أنا قولت كده لأن الشناوي، هو حارس مرمى الأهلي ومنتخب مصر، وفي فروقات كبيرة بينه وبين الحارس الثاني، اللي هو محمد عواد»، مضيفًا: «عواد، يقدم أداءً مميزًا مع الزمالك في الفترة الأخيرة، لذلك أرى أنه الحارس الثاني في المنتخب».