«ليس الشناوي أو ثابت البطل».. إكرامي يختار حارس واحد أفضل منه في مصر (فيديو)

رد إكرامي الشحات، حارس مرمى الأهلي الأسبق، على المقارنة بينه وبين الحارس الحاليين في الدوري المصري، وفاجأ الجميع برد صادم.
وقال إكرامي الشحات، خلال حواره ببرنامج «اللعيب»، المذاع عبر فضائية «إم بي سي مصر»: «يا مهيب أنت اخطأت خطأ كبير أنك بتقارني أنا وعادل المأمور بالحراس الحاليين في الدوري».
وأضاف إكرامي: «في فرق كبير أوي مابين حراس المرمى في أندية مصر كلها، بين 25 سنة ودلوقتي، زمان كان موجود في الزمالك عادل المأمور والمنصورة كان سطوحي، والاتحاد كان في خورشيد، وحليمو كان في الأولمبي، كل الحراس كانو كويسين».
وتابع: النهاردة هاتلي حارس مرمى كويس باستثناء محمد الشناوي وأحمد الشناوي، ومصطفى شوبير هيبقى ليه مستقبل كويس».
وأرف حارس مرمى الأهلي السابق: و«كمان محمد صبحي في الزمالك كان ماشي بشكل كويس بس دلوقتي في مشكلة ، وقولت ل أحمد سليمان لو صبحي مشي هتندم ندم كبير».
وأشار إلى أن محمد عواد اتظلم بشكل كبير في الزمالك عشان في أهداف دخلت أخطاء من خط الدفاع، وليس المسؤول الوحيد عن جميع الأهداف.
وبسؤال إكرامي من الأفضل في حراسة المرمى، قال: «أنا أفضل من شريف إكرامي، وثابت البطل، وأحمد شوبير، وعصام الحضري «فنيًا» ، وعادل هيكل، وعادل المأمور، ومصطفى شوبير، ومحمد وأحمد الشناوي» .
ونوه أننا لم نصعد إلى كأس عالم في فترة لعبي، بسبب أنه مكنش في تنظيم ولا تنسيق في مصر بالنسبة لمنتخابتها، لما كنا بنطلب فترة إعداد بنلاعب الأمن المركزي، وكان بيطفي علينا النور في الملعب.
وأتم: «الوحيد اللي يتفوق عليا عصام الحضري، ولكن في البطولات اللي أخدتها مش فنيًا لأني فنيًا أنا وثابت البطل كنا في حته تانية».