«عيب اللي قولته وانت أكبر من كده».. خالد الغندور يفتح النار على شوبير

فتح خالد الغندور، نجم الزمالك السابق، النار على الإعلامي أحمد شوبير، وذلك بعدما استضاف إمام عاشور، لاعب خط وسط الفريق الأول لكرة القدم بالنادي الأهلي عبر قناة النادي.
وقال خالد الغندور، في فيديو على صفحته الرسمية عبر موقع التواصل الاجتماعي «فيس بوك»: «إمام عاشور، كان ضيف الإعلامي أحمد شوبير على قناة الأهلي، إمام عاشو، قال: (الكابتن الخطيب قالي ركز ومتخسرش جمهور الزمالك) فالكابتن شوبير قاله: (طبعًا انت مش متعود على الحاجات دي)».
وأضاف: «طبعًا حاجة عيب اللي قاله الكابتن أحمد شوبير، لأن ده نوع من التقليل من نادي الزمالك، عيب يا كابتن شوبير، انت أكبر من كده بكتير».
وتابع: «لو الكابتن الخطيب، قال لإمام عاشور، متخسرش جمهور الزمالك، هل من الطبيعي إمام، يروح يغني مع جمهور الأهلي ويعمل كابو والجمهور. يقول (البنت بيضا)، هو أكيد عارف الجمهور قصده على مين».
وأكمل: «إمام عاشور، لما أحرز هدف في مرمى الزمالك قلع التشيرت واحتفل، احنا شوفنا لعيبة كتير على مستوى العالم بيسجلوا أهداف في فرقهم السابقة أصحاب الفضل عليهم، بيرفضوا الاحتفال أو بيفرحوا فرحة عادية، احنا شوفنا محمد صلاح، لما جاب جون في روما رفض يحتفل ومصطفى فتحي. لما جاب جون في الزمالك رفض يحتفل».
وأتم: «هل إمام عاشور، عمل بنصيحة الكابتن محمود الخطيب؟ مفروض الكابتن شوبير، كان يقوله الكلام ده لكن عشان هو في قناة الأهلي مينفعش يقول الكلام ده، لكن في نفس الوقت مينفعش يقلل من نادي الزمالك ويرمي هذا الكلام».