شوبير يكشف مفاجأة: إيقاف نجم الزمالك بسبب مباراة الأهلي

كشف الإعلامي أحمد شوبير، عن إيقاف زياد كمال، لاعب خط وسط الفريق الأول لكرة القدم بنادي الزمالك.
وقال أحمد شوبير، في تصريحات إذاعية: «زياد كمال، لاعب الزمالك، خرج في الشوط الأول في مباراة الأهلي، بالتأكيد خرج زعلان، اللاعب مقلش أدبه ومتطاولش ومقلش حاجة ولا شاط حاجة وهو خارج».
وأضاف: «إنت عايزه كبني آدم يعبر عن زعله، بيقوله ده اتوقف، اتوقف ليه! ده جوارديولا مرة غيّر أحد النجوم، فخرج غاضب لما سألوه قال ده طبيعي رد فعل إنساني، يورجن كلوب خرج محمد صلاح، وطلع زعلان، فلما سألوه قال صلاح لاعب كبير ومن حقه يكون زعلان وأنا هقعد معاه أشوف إيه اللي مزعله».
وأتم: «احنا عندنا مشكلة إن السوشيال ميديا تحط على لعيب يبقى لازم نيجي عليه، اوعوا تديروا بناء على طلب ناس مش جوه النادي».