«المصري توك».. تصريحات هشام نصر تفجر غضب جماهير الزمالك

تصدر اسم هشام نصر نائب رئيس الزمالك، منصة «إكس»، خلال الساعات القليلة الماضية، على خلفية تصريحاته المثيرة، التي أطلقها مساء الأربعاء، عبر شاشة «أون تايم سبورتس».
وتطرق نصر خلال حديثه الإعلامي، لمطالب أحمد سيد زيزو لاعب الفريق الكروي الأول لكرة القدم، من أجل تجديد عقده مع الفريق، إذ قال نصر «زيزو طلب أكثر من 60 مليون جنيه، من أجل تجديد التعاقد».
ويرصد «المصري اليوم» أبرز ما تم تداوله كرويًا على منصات التواصل الاجتماعي من خلال هاشتاج «#المصري_توك» ويمكنكم المشاركة به من خلال حساباتكم في «إكس».
وكتب حساب يحمل اسم (احمد حمدي): «هشام نصر امبارح بيلمح إنه مش هيعرف يجدد ل زيزو بالأرقام دي، طب كنت بيعه من شهرين ب 6 مليون دولار ياخويا، إنت لا عرفت تجددله ولا عرفت تبيعه».
وكتب حساب يحمل اسم (أ.سيد أبويوسف): «المشكلة الكبيرة إن هشام نصر واخد صفر كبير في ملف الصالات وطالع يتكلم، ماينفعش حد يتكلم في المجلس ده غير الكابتن حسين لبيب، الكابتن حسين السيد بيدفع من معاه وعمري ما شفته بيتكلم، وكذلك هاني بيرزي. هشام نصر أنا مش عايز أغلط لأنه مستفز جدًا لأبعد حد».
وكتب حساب يحمل اسم (MOHAMED ABDO): «أيوه الزمالك خد بطولتين قاريتين وإنجاز محترم في ظل الظروف اللي بيمر بيها النادي بس يا مجلس الإدارة معقولة مش عارفين تتفقوا مين يتكلم في الكورة ومين لأ. بتاع إيه هشام نصر ده علشان يتكلم عن أهم لاعب في الفريق. هو إزاي كل المجلس بيحب الكلام كده وبيطلع طول الوقت. والله عيب».
وكتب حساب يحمل اسم: (Ehab elbanna): «فرق كبير في العقليات بجد. كابتن هشام نصر الأفضل له ميظهرش في القنوات».
وكتب حساب يحمل اسم: (RADIANT DIAM): «هشام نصر حب يسلم زيزو للجمهور قام سلم نفسه هو والجمهور مسكه سلخ على ملف الصالات اللي ماسكه».