احم احم

هشام مبارك
- كفاية عياط يا أمينة..آدي إللي أخدناه من السياسة وبلاويها.
- إهيء إهيء إهيء مش قادرة ياسي السيد أنا قربت أتجنن.
- الصبر طيب يا أمينة وكل عقدة لها عند الكريم حلال.
- ونعم بالله ياخويا لكن فاض بيا ومش قادرة أتحمل.
- ياستي أزمة وتعدي ودي مش أول مرة الرياسة والقضاء يقعوا في بعض وفي الآخر بيتصالحم..متخليش السياسة تقهرك ياختي.
- مش ده إللي قاهرني وعارفة ياخويا إنها سحابة صيف وتعدي إهيء إهيء إهيء.
- أومال بتعيطي ليه بقي؟
- أنا ياخويا باعيط كل مافتكر إننا كنا عايشين طول الفترة دي من غير مايكون لينا سفير في الفاتيكان!