- انت كده كملت كام سنة ياروحي؟ - 49 ياحبيبتي وبدأت في الخمسين. - إهيء إهيء إهيء آه ياميلة بختي معاك. - كلام إيه ده بس ياحبيبتي ليه بتقولي كده؟ - في أوروبا والدول المتقدمة عملوا دراسات كشفت إن الراجل في الخمسين بتزيد رغبته في الخيانة والكذب والزواج من واحدة تانية. - ياستي دول ناس فاضيين وأبحاثهم مش واقعية. - مليش دعوة ياخاين ياضلالي..إهيء إهيء إهيء. - طب إيه رأيك بقي إنهم في أوروبا والدول المتقدمة دي بيقولوا إن الست إللي يزيد وزنها عن 65كيلو ماتعتبرش إنثي؟ - طب وإنت برضوا ياحبيبي هاتصدق كلام الكفرة دول؟