«متعيش الناس في وهم رونالدينيو».. شوبير ينتقد مسؤولي الزمالك بسبب صفقة راموس

انتقد الإعلامي أحمد شوبير حارس مرمى الأهلي ومنتخب مصر السابق التصريحات المتناقضة من مسؤولي نادي الزمالك حول صفقة المدافع الإسباني المخضرم سيرجيو راموس نجم فريق ريال مدريد السابق الذي ربطت بعض التقارير بينه وبين القلعة البيضاء في الأيام القليلة الماضية.
وقال أحمد شوبير في تصريحات إذاعية: «سمعت شوية تصريحات هشام نصر نائب رئيس نادي الزمالك وأنا الحقيقة بتمنى يتم توحيد الخطاب بين المسؤولين هشام نصر وحسين لبيب وكل أعضاء المجلس».
وأوضح شوبير: «هاني شكري عضو مجلس إدارة نادي الزمالك قال راموس حاجة جميلة جدا وعظيمة لكن مش جاي الزمالك ومفيش فلوس، بعدها هشان نصر طلع قال: ابني بيقود المفاوضات بنجاح ساحق وهى بس السيولة المالية بس المبدأ راموس موافق والنجم الإسباني عايز ييجي جدا جدا».
وتابع شوبير: «معلوماتي الشخصية إن راموس رفض اللعب في أمريكا، وأنا في الحاجات دي بالي طويل جدا جدا فباب القيد في مصر هيغلق يوم 25 أكتوبر فأنا هنتظر من النهاردة 3 أكتوبر لغاية يوم 25 وهشوف أيه اللي هيحصل».
وأضاف شوبير: «متعيش الناس في وهم رونالدينيو بتاع زمان، كان يتقال هو جاي يا سيادة يا فندم يقول لك اه اتصلنا وخلصنا وفيه حاجات صغيرة بس كده بنخلصها وهو مبسوط وعايز ييجي نادي الزمالك».
وأوضح شوبير: «وساعتها طلعت وقولت يا جماعة لو سمحتم نحترم عقول الناس فطلعوا هاجموني وقالوا لي أنت مستخسر رونالدينيو في الزمالك، لا والله العظيم يا جماعة مش متخسره ونفسي ييجي ويلعب معاكم، بس فيه كلام بالعقل يعني فأنا هستنى ليوم 25 وهشوف القصة شكلها أيه هل نجل المهندس هشام نصر هيقدر يقنع راموس يلعب في الزمالك تبقى حاجة عظمة العظمة الحقيقة لو حصلت مش بتريق لأ بحق وحقيقي».