«حقك عليا يا نجم».. حسام حبيب يعتذر ل تامر عاشور بعد أزمته مع شيرين عبدالوهاب

وجه الفنان حسام حبيب، رسالة اعتذار للفنان تامر عاشور، وذلك بعد أزمته وخلافه معه خلال الفترة الأخيرة الماضية، بعد الانفصال عن الفنانة شيرين عبدالوهاب.
حسام حبيب يعتذر من تامر عاشور
وكتب حسام حبيب، عبر خاصية «استوري» على حسابه الرسمي «انستجرام» قائلا: «على فكرة يا جماعة أنا بهزر، هو فنان محترم وليه جمهور كبير وبيقدم فن راقي وأنا بعتذر له لو كان الهزار تقل، أنا بس كنت بنكشه لأنه تقلها عليا شويتين».
وأضاف: «هو زميل ومحترم وبيقدم فن محترم، أنا بحب اللي هو بيقدمه وهو اجتهد ولكل مجتهد نصيب، معلش حقك على يا نجم».
أزمة تامر عاشور وحسام حبيب
يذكر أن أزمة تامر عاشور، وحسام حبيب، بدأت وقت أزمة حبيب وطليقته الفنانة شيرين عبدالوهاب، إذ علق تامر عاشور على الأزمة، عبر حسابه الشخصي بموقع X تويتر سابقًا: «كل اللي أقدر أقوله في موضوع شيرين عبدالوهاب، أن مفيش كلمة واحدة بس من اللي اتقالت وانتشرت صح، أنا قريب من أهل شيرين ووالدتها وأخوها، أنا برضه أقولها أني بحبها وكل الدنيا بتحبها وتحب فنها، أهل شيرين مظهروش في حياتها آخر سنتين تلاتة أهل شيرين هم أهل شيرين من زمان كل نجاحات شيرين كانت وسط أهلها وناسها اللي يشيلوها من على الأرض شيل».
وتابع عاشور: «يا رب يبعد عنها كل خبيث وأناني وفاشل وممثل، هي أطيب منهم كلهم وهم اللي وقعوها فكل مشاكلها، أنت بمن حولك، لو اللي حواليك فشله غصب عنك لازم تبقى زيهم وتعافر علشان تقدر تمارس اللي كنت بتعمله في عدم وجودهم بمنتهى السهولة، أنا كلت عيش وملح في بيتها وفي بيت أمها وأخوها وكان لازم أقول الكلام ده علشان الكلام ده هو الكلام الحقيقي ولا كلمة من اللي اتقالت واتسمعت ليها أساس من الصحة، أهل شيرين هم هم أهل شيرين من زمان أوي، بالعقل».
وحرص حسام حبيب، على الرد على حديث تامر عاشور، إذ قال في تصريحات سابقة :«سمعنا ناس غريبة بتدخل في أمور مش أمورها خالص، ومنهم ناس أشباه فنانين، مفيش فنان بيدي حق لنفسه يدخل في حياة غيره، لأن الفنانين بيبقى عندهم إحساس، وتصريحات شيرين خلت شكلهم مش ظريف خالص».
اقرأ أيضًا..
حسام حبيب يوجه رسالة للجمهور: «أوعدكم قريب أوي هتزهقوا مني»
بعد تعاونه مع شيرين وأنغام.. أغانٍ شهيرة لحنها تامر عاشور ولا يعرف الجمهور أنه صاحبها