مها أحمد: «أنا جبلة مش بيحوق فيّا تنمر».. ومتابعوها يناشدون لقطع الانترنت عنها.. ما القصة؟

تصدر اسم الفنانة مها أحمد، محرك البحث «جوجل»، ومواقع التواصل الاجتماعي، بعد تداول مقع فيديو لها، توجه فيه رسالة حادة لمتابعيها، بعد انتقاد بعضهم لها، وتعرضها للهجوم، بسبب مشاركاتها المستمرة عبر «تيك توك»، وعدم ظهورها في الأعمال الفنية الفترة الأخيرة.
مها أحمد تهاجم متابعيها
وهاجمت الفنانة مها أحمد، متابعيها، عبر بث مباشر، على حسابها على «تيك توك» قالت فيه: «أنا جبلة مش بيحوق فيا أي تنمر، وباخد برشام التناحة، وبسف على السفافين وأحب أطلعهم على المسرح».
وتابعت: «شغلي على التيك توك وعلى أي برنامج مش هسيبه طول ما فيه فلوس مش هسيبه لأنك مش هتنفعيني أنا عندي ليلة كبيرة».
واستكملت مها: «انا من الدرب الأحمر، من الحلمية والسيدة عائشة والسيدة زينب، وأهلي نصهم مقاولين وصنايعية ونصهم وزراء وضباط، يعني أنا مخلطة، أبويا مقاول وكان بيأكلني في القصعة، فأنا متربية كويس أوي أعرف أمتي أرد أزاي أخد حقي».
مها أحمد: «عايزة اشتغل عند الناس بره»
وتابعت مها بقولها: «مش هينفع أتعالج على نفقة الدولة مع إني فنانة، ومن حقي لكن لو ده حصل هتتنمروا وتقولوا بتاخد دوا الغلابة لكن أنا عايزة أعالج نفسي بنفسي، وأعمل علاقات مع الناس الجامدة والداعمين الجامدين بره، يمكن أسافر اشتغل بره ويمكن شيخة تشوفني وتشغلني عندها ليه لأ، أنا عندي طموح أشتغل عند الناس بره مش هنا، علشان أنتم متنمرين، ومش هتقولوا دي ست ب100 راجل بتشتغل وتكسب أنا هتفسح وهدلع وهكيدكم، وأنا قاعدة وأي مكان فيه شغل وفلوس أنا قاعدة».
تعليقات الجمهور على مها أحمد
وانتشر الفيديو على مواقع التواصل و«يوتيوب» بشكل كبير، مع تعليقات انقسم أصحابها بين المؤيد لها والمهاجم لألفاظها وطريقتها في الكلام، وعلق أحد رواد السوشيال ميديا؛ قائلًا: «لو حد معاه رقم تليفون الفنان مجدي كامل ينصحه بفصل الراوتر عن زوجته مها أحمد عيب ما يصحش كده»، وأضافت متابعة أخرى: «هل ده أسلوب توضيح وجهة نظرها ربنا يهديها هي وغيرها».
آخر أعمال مها أحمد
وكانت آخر أعمال مها أحمد مشاركتها في مسلسل بيت الشدة الذي عرض عام 2022، من إخراج وسام المدني، وتأليف ناجي عبدالله، وشارك فيه وفاء عامر وأحمد وفيق وإيهاب فهمي ومحسن منصور وغيرهم من الفنانين.
اقرأ أيضًا..
مها أحمد لمتابعيها: «مش هسيب شغلي على التيك توك وأي برنامج طول ما فيه فلوس» (فيديو)
من الهجوم على متابعيها إلى توجيه نصائح.. مها أحمد تتصدر الترند بسبب «تيك توك»