عودة حسن شاكوش لزوجته ريم طارق.. تامر أمين يكشف الحقيقة

علق الإعلامي تامر أمين، على الأنباء التي تداولت عبر مواقع التواصل الاجتماعي بشأن عودة حسن شاكوش إلى طليقته ريم طارق.
وقال خلال تقديم برنامجه «آخر النهار» المذاع على فضائية «النهار» مساء اليوم الإثنين، إن الأنباء ترددت بشأن عودة شاكوش وريم بعد الخناقات الطويلة بينهما على مواقع السوشيال ميديا.
وأشار إلى أنه تم التواصل مع والد ريم طارق الذي أكد أنه لا صحة لهذه الأنباء، وأن كلها إشاعات من السوشيال ميديا لا أساس لها من الصحة.
ووجه تامر نصيحة إلى المصريين بشأن خطورة السوشيال ميديا وعدم الاعتماد عليها في الحصول على المعلومات، ولكن يمكن الاستفادة منها فقط في نشر ابتكار أو إبداع أو فن.
كشف طارق السيد، والد ريم طارق، حقيقة عودة ابنته والمغني الشعبي، بعد الخلافات التي حدثت بينهما، إذ انتشرت على «السوشيال ميديا» في الساعات السابقة أخبار بشأن عودة الثنائي.
وقال طارق في تصريحات خاصة ل«المصري اليوم» عن الأخبار المنتشرة: «كل الكلام ده مش حقيقي، وشائعات أنا مش عارف مصدرها، ولا بنتي عارفة مصدرها، وفكرة رجوع حسن وريم دا لو حصل يبقا من عجائب الدنيا الثامنة، وحاليًا إحنا عايشين في حالنا».
حسن شاكوش وعودته إلى ريم طارق
وفكرة عدم عودة الثنائي أكد عليها مدير أعمال حسن شاكوش أيضًا، في تصريحات خاصة ل«المصري اليوم»، إذ أكد أنها ليست إلا شائعات لا أساس لها من الصحة.
وتابع إبراهيم سليمان مدير أعمال شاكوش: «الكلام اللي على السوشيال ميديا ده مش حقيقي وحسن مرجعش ومفيش الكلام ده نهائي، يعني لو رمضان صبحي رجع الأهلي برضو حسن شاكوش مش هيرجع لريم طليقته».
حسن وريم وظهورهما في «رامز جاب من الآخر»
علق مطرب المهرجانات حسن شاكوش على حلقته هو وطليقته ريم طارق، في برنامج «رامز جاب من الآخر» للفنان رامز جلال، موجهًا اعتذارًا لجمهوره على ما حدث خلال الحلقة.
وخرج حسن شاكوش في لايف عبر حسابه الرسمي بموقع التواصل الاجتماعى «انستجرام»: «عايز أقول لجمهوري متزعلوش حقكم عليا كنت عايز أقدم ليكم أحسن حاجة وحلقة حلوة عشان إحنا في جو رمضان وعايز الناس تنبسط، وأنا عارف إني رايح لرامز بالرغم من أي حاجة هتحصل بس قلت المهم الناس تنبسط، آسف على اللى أنتم شفتوه في الحلقة عشان كمان الحلقة مكملتش ومحصلش نصيب».
وأضاف: «اتفاجئت إنه في ضيف تاني، والحمدلله على كل حال وكل واحد مش بياخد أكتر من نصيبه، وبقول لرامز متزعلش وحقك عليا أنا عارف إنك كنت عايز تقدم أحلى حاجة لجمهورك، وبتأسف لكل الناس اللى سمعت أي ألفاظ مش كويسة حتى لو مش مني».
اقرأ أيضًا:
«عودة حسن شاكوش وريم طارق».. ما الحقيقة؟