صالح جمعة: الزمالك غدر بعبدالله.. و«هيدفعوا مستحقاته غصب عنهم» (فيديو)

أعلن صالح جمعة لاعب الأهلي السابق، تقدم عبدالله جمعة لاعب الزمالك السابق بشكوى ضد نادي الزمالك للحصول على مستحقاته المتأخرة.
قال صالح جمعة في بودكاست من الجول للجول: «مكنتش مقتنع باستبعاد عبدالله جمعة من الزمالك، كلمت أحمد سليمان وعبدالواحد السيد الناس دي مكانتش أمينة على واحد من كباتن الفرقة، واستبعاد عبدالله جمعة في خيانة لعبدالله بصراحة عبدالله اتغدر بيه في الزمالك.»
وأضاف: «رحت اتكلمت مع أحمد سليمان وقالي إنه مكمل معانا والناس دي شالت عبدالله من القايمة قبل يوم واحد من الانتقالات ما تقفل ده الأهلي مكانش بيعمله.»
وتابع: «عبدالله جمعة كان بيبقى عنده مزق وبياخد حقن عشان يرجع بسرعة ويلعب في الزمالك وكنت أقوله انت لسة صغير على الحقن دي كان يقولي عشان مفيش حد.»
وواصل: «مع احترامي ازاي تمشي عبدالله وتخلي لاعب عنده 40 سنة مين هيديك أكتر مع احترامي الكامل لعبدالشافي انا بحب عبدالشافي جدا.»
أشار: «لكن انا استفدت كزمالك من عبدالشافي في ايه؟ فتوح لما بيغيب مين بيلعب، عمر جابر طب انت مشيت عبدالله جمعة ليه؟ مفيش لجنة كورة بتخططلك.»
واختتم: «عبدالله جمعة ليه أكتر من 25 مليون جنيه عند الزمالك وهناخد الفلوس دي الزمالك هيدفع غصب عنه زي ما هو لسة دافع لخالد بوطيب 50 مليون جنيه ورفعنا قضية فعلا والقضية ماشية في اتجاه كويس.»
أنا عبدالله جمعة جدد للزمالك من ورايا وكنت بقنعه يروح الأهلي وهو رفض وقولتله القرار ده هيغيرلك حياتك.