صديقة تامر ضيائي تكشف عن تفاصيل ساعاته الأخيرة قبل وفاته

كشفت الفنانة سمر نيجيلي، عن اللحظات الأخيرة قبل وفاة الفنان الراحل تامر ضيائي اليوم.
سمر نيجيلي تكشف عن لحظات تامر ضيائي الأخيرة قبل وفاته
وكتبت سمر نيجيلي، عبر حسابها الرسمي بموقع «فيسبوك»:«انا لله وانا اليه راجعون ،كان بيكلمني بليل بيقولي عاوز اكل كفته وبنهزر كنا متفقين نتقابل الخميس عشان هويدا قاللي جاي وبعد كدة قاللي لا مش عارف لسه نبقى نشوف اول امبارح».
وأضافت: «معرفش ليه عملت نزوله كدة ع الهوا اكني واخده أوردر اني انزل اشوفه واتفقت مع حسام بس وبعدها حسام قالي كلم تامر نشوفه قلتله ياريت ده وحشني اوي، وفعلا جالنا لعبنا طاوله وسابني اكسبه وهزرنا واتصورنا وبساله على شغله ف الجامعه قالي بيني وبينك طلعت معاش وضحك وقالي وشكلي طالع معاش خالص».
وتابعت: «قلتله ربنا يديك الصحة وضحكنا وكان فرحان أن احمد ابنه نجح بتقدير وفرحان بحفيدته وكان جاي من السفر فرحان ونفسه مفتوحة مكنتش اعرف انك بتودعنا يا تامر وجعت قلبي ،الله يرحمك يا حبيبي يا عشرتي ودفعتي وصاحبي».
آخر ما نشر تامر ضيائي
يُذكر أن الفنان تامر ضيائي قد نشر أمس صورة تعبر عن التخرج من المرحلة الجامعية لنجله أحمد، وعلق عليها قائلًا:«أنا اتخرجت»، ويعتبر هذا الاحتفال آخر ما نشر الراحل قبل وفاته.
اقرأ ايضًا
صديق تامر ضيائي يكشف تفاصيل الأيام الأخيرة له: احتفل بتخرج نجله أمس وتوفي اليوم