ريهام سعيد توجه رسالة ل فرح شعبان بعد انفصالها عن علي غزلان: «قولتلها هتتحسدي»

وجهت الإعلامية ريهام سعيد، رسالة للمذيعة فرح شعبان، بعد إعلان انفصالها عن البلوجر علي غزلان، أمس الأحد.
وقالت «سعيد» خلال برنامجها «هي وصبايا» الذي تقدمه على قناة «هي»، الأحد، ردًا على التهامات الموجهة للثنائي المنفصل: «علي وفرح متشافين كويس أوي وعندهم إعلانات وفولورز كتير مش محتاجين إنهم يطلعوا على نفسهم حاجة وحشة أوي كدا، ومش سهل إن الست تطلع تقول جوزي طلقني.. مش حاجة حلوة يعني سواء من الناحية دي أو الناحية دي».
وأضافت: «مينفعش يكونوا بيطلعوا إشاعة ده ردًا بس على الناس اللي بتقول دول بيعملوا تريند، لأنهم أكبر من كدا».
وتابعت: «حاجة محزنة، يعني ناس عملوا مجهود رهيب عشان يفرحوا بابنهم اللي زي القمر.. والله قولتلها هتتحسدي»، مضيفة «هي صاحبة بنتي.. قولتلها أنت قد بنتي هتتحسدي والله».
وتسائلت: «إيه اللي بيخلي الناس تطلق، إيه اللي بيغير، ليه ما دام إحنا اخترنا بعض ليه الناس بتتغير، وأنا مش بتكلم على (علي) أنا بتكلم على الناس عموما»، مضيفة «في تقديري الخاص يا فرح لو سمعاني ده حسد، أنتم couple زي القمر ولطيف جدًا.. فرح وعلي ربنا يجمع ما بينكم في الخير مرة تانية وإن شاء الله يكون شطان وراح لحاله».
وأعلن البلوجر علي غزلان لجمهوره ومتابعيه انفصاله عن المذيعة وملكة جمال مصر فرح شعبان، وذلك بعد زواج دام لأكثر من سنتين.
وكتب علي غزلان عبر حسابه الرسمي بموقع التواصل الاجتماعى «انستجرام»: «الحمد الله قدر الله وما شاء فعل.. تم الانفصال رسميا مع زوجتي فرح شعبان.. أشهد الله أنها كانت خير الزوجة ولكن لم يتم الاتفاق».
وأضاف: «هي إنسانة كويسة وانفصلنا بكل هدوء واتفاق.. أتمنى لها استمرار النجاح في الحياة، وأتمنى احترام القرار ومحدش يكلمنا في أي تفاصيل، لأننا هنفضل ضهر بعض عشان خاطر رحيم ابننا.. وهفضل سندها لحد آخر يوم في الدنيا».
وعلقت فرح شعبان على خبر انفصالها من علي غزلان عبر حسابها الرسمي على موقع التواصل الأجتماعي، قائلة: «الحمد الله قدر الله ومشاء فعل.. تم الطلاق رسميا مع زوجي علي غزلان».