كواليس الساعات الأخيرة لأزمة قائمة المنتخب المصري في أوليمبياد باريس

لا زالت أزمة المنتخب المصري الأوليمبي وانضمام لاعبي الأندية المختلفة إلى صفوف المنتخب مستمرة في ظل رفض عدد كبير من الأندية إرسال لاعبيها لصفوف المنتخب وعلى رأسها الأهلي وبيراميدز.
وكشف الإعلامي أحمد شوبير كواليس الأزمة موضحا: «باختصار شديد جدا عندنا أزمة لأن المنتخب الأوليمبي طلب إمام عاشور ومحمد عبدالمنعم ولو موضوع عبدالمنعم صعب ناخد ياسر إبراهيم ثم بدأت الطلبات تقل وبيراميدز رفض مصطفى فتحي وزيزو خلاص الزمالك موافق وزيزو يستحق لإن ده تتويج لتاريخ ومشوار رائع، وزيزو كان عنده سوء حظ إنه لا يلعب في كأس العالم لعدم مشاركة مصر في مونديال قطر بس زيزو يستحق كل حاجة جميلة».
وتابع شوبير: «عايشين في بيانات كثيرة إمبارح مثلا نادي بيراميدز قال على لسان هاني سعيد إنه مش متأخر عن المنتخب الأوليمبي لكن اتحاد الكرة مش بينسق معانا بشأن محمود صابر والانتظار على إبراهيم عادل لما بعد مباراة الأهلي في الدوري طيب أقول أيه أنت القائمة بتاعاتك 18 لاعب أساسا الراجل ميكالي مش مكمل القائمة الأساسية بتاعته من الأساس، وبيراميدز قال مش متأخرين خالص وقال السبب في مشكلة المنتخب الأوليمبي هو من تسبب في استمرار الدوري حتى هذه اللحظة».
وأوضح شوبير: «طيب أنا أقول أيه في ظل الكلام ده لو قلت كلام الأهلي غلط يقولوا بتخبط في الأهلي ولو قلت بيراميدز غلط يقولوا بتخبط في بيراميدز ولو قلت اتحاد الكرة مسؤول يقول لك بتخبط في الرابطة والاتحاد»ز
وأضاف: «يا جماعة منتخب مصر الأوليمبي عنده مباراتين وديتين مع أوكرانيا يوم 14 يوليو ومع العراق يوم 17 يوليو والاثنين في باريس عشان كده الراجل هيسافر يوم 13 والمباريات الرسمية في الأوليمبياد أيام: 24 مع الدومينيكان و27 امع أوزباكستان و30 مع إسبانيا».
واختتم شوبير: «أنا غلبت ومش عارف أعمل ايه اجتماعات مستمرة امبارح لغاية الفجر وهيصة ودوشة مش عارفين نودي اللاعيبة بتاعتنا المنتخب والمدرب ده لا حول ولا قوة إلا بالله يعمل ايه حمزة علاء أساسي والدبيس أساسي وكوكا أساسي ومحمود صابر وإبراهيم عادل أساسيين، فهل ننتظر نجاح للمنتخب الأوليمبي كده ولا نعمل أيه ربنا يعديها على خير يارب».