«إنبي بيسخن».. مفاجآت بالجملة في أزمة مشاركة الزمالك الأفريقية

كشف الإعلامي أحمد شوبير حارس مرمى الأهلي ومنتخب مصر السابق عن مفاجآت كثيرة في أزمة منع الزمالك من المشاركة في البطولات الأفريقية في الموسم الجديد حال عدم إنهاء مشاكله الحالية والحصول على رخصة المشاركة قاريًا.
وقال أحمد شوبير في تصريحات إذاعية: «قضية الزمالك والمشاركة الأفريقية النهاردة 30 يونيو آخر موعد لاعتماد رخصة نادي الزمالك للمشاركة الأفريقية لغاية امبارح الكاف لم يعتمد رخصة الزمالك وهقول لكم شوية مفاجآت عشان تعرفوا الوضع حاليا عامل أيه بالظبط وأنا استفسرت من كل الجهات عشان أحط الوضع كامل قدام حضراتكم».
وتابع شوبير: «أولًا الأندية المصرية اللي انهت تراخيصها هي: الأهلي والمصري وبيراميدز ومعاها إنبي، وإنبي خلص الرخصة على أمل المشاركة الأفريقية في أي وقت، أنا نادي الزمالك فلسه».
وأوضح شوبير: «الزمالك تم مد الوقت بالنسبة له لعدة أيام من 5 إلى 7 أيام تقريبا من قبل الاتحاد الأفريقي لكرة القدم (كاف)، مشكلة الزمالك الكبيرة هي مستحقات خالد بوطيب كل حاجة غير المشكلة دي يمكن حلها بسهولة، واتحاد الكرة الحقيقة بيبذلوا كل ما في وسعهم عشان الزمالك يشارك في أفريقيا السنة اللي جاية».
وأضاف شوبير: «الزمالك عنده وجهة نظر خاطئة ليه بقى عشان الزمالك استلم حكم نهائي في قضية خالد بوطيب يوم 18 مارس من المحكمة الفيدرالية في سويسرا والاتحاد الدولي قال لك لو بعد 31 مارس مفيش مشكلة، لكن الزمالك بيقول لك أنا أكلمت مع المحامي بتاع اللاعب المغربي واتفقنا على إنهاء المشكلة وجدولة مستحقات اللاعب ولكن المحكمة الدولية لم يصلها موافقة الطرف الثاني وهو بوطيب بذلك، وبالتالي الزمالك ليس أمامه حل سوى الوصول لاتفاق مع بوطيب ويتم إرساله إلى فيفا».
واختتم شوبير: «عموما الأيام القليلة المقبلة من 5 إلى 7 أيام (وده تفضل من الكاف) حاسمة أمام الزمالك للوصول إلى حل وإنهاء مشكلته والمطلوب من الزمالك ما يركبش دماغه ويتحرك سريعا لإن التأخير معناه عدم مشاركة الزمالك في الكونفدرالية السنة اللي جاية ونادي إنبي بيسخن على أمل المشاركة في أي وقت».