ميدو بعد أحداث الزمالك والمصري: الحكام بينفذوا أجندة.. والإرهاب هو اللي بيمشي

شن أحمد حسام ميدو، نجم الزمالك السابق، هجومًا كبيرًا، على لجنة الحكام وحكم مباراة الفريق الأبيض أمام المصري البورسعيدي.
جاء هذا بعد الجدل التحكيمي الكبير الذي شهدته مباراة الزمالك والمصري، خلال المواجهة التي جمعت بين الفريقين، أمس الإثنين، وانتهت بخسارة الأبيض (2-1).
وقال ميدو: «أنا بأكد إن الزمالك كان وحش، وجوزيه جوميز لازم يراجع نفسه، لكن في تعمد إن الزمالك ميرجعش للماتش، اللي بيحصل عيب ولازم لجنة الحكام والمسابقات يراجعوا نفسهم ويكون في تحرك أقوى من البيانات».
وأضاف، في تصريحات عبر حسابه على «إنستجرام»: «ليه في نية مبيتة إن الزمالك ميكسبش؟، ليه وعشان خاطر مين؟. التهديد والإرهاب هو الوحيد اللي ينفع في نظام الكورة في مصر!. الناس مش بتاخد حقها غير كده!».
وأكمل: «الحكام جايين بينفذوا أجندة. لما حكم يربط اللاعيبة ويديهم إنذارات ويحجمهم ويكلمهم بأسلوب غير لائق، ده عيب ومش هنقبل بيه».
وتابع: «لمصلحة مين ميكونش في منافسة وإن أسلوب الإرهاب هو اللي بيمشي؟. لازم لجنة الحكام تستقيل ولجنة المسابقات، إحنا في دوري بنلعب ماتشات رايح وجاي وفي فرق لسه ملاعبتش بعض. إمتى عامر حسين هيستقيل؟، هل في أكتر من اللي بيحصل في الدوري؟!، بقينا أضحوكة الشعوب العربية بسبب عامر حسين وأعوانه».