«شخلل عشان تلعب».. شوبير يكشف عن خطر يهدد مشاركة الزمالك في الكونفدرالية

كشف الإعلامي أحمد شوبير عن خطر يهدد مشاركة نادي الزمالك في بطولة الكونفدرالية الأفريقية، خلال النسخة المقبلة.
وقال أحمد شوبير في تصريحات تليفزيونية: «الأندية المصرية دلوقتي في سباق من الزمن عشان إنهاء الأزمات المالية مع الاتحاد الدولي لكرة القدم في أسرع وقت».
وأضاف: «لازم يترفع إيقاف القيد عشان المشاركات الأفريقية، الاتحاد الدولي لكرة القدم اشترط إن ميكونش أي نادي مشارك عنده أي قضايا معلقة».
وأكمل: «الزمالك عنده مشكلة خالد بوطيب (2 مليون و900 ألف)، وباتشيكو. ف لازم النادي يخلص دا عشان المشاركات الأفريقية».
وتابع: «المصري كمان اللي هيشارك في الكونفدرالية عنده إيقاف عشان رامي البدوي (4500 ألف دولار) لازم يدفعهم».
وزاد: «أما بيراميدز فموقفه سهل لأن عليه 9 مليون و690 ألف جنيه لمحمود صابر و3 مليون كمان تأخير، فلازم الأندية دول يدفعوا. ادفع شخلل عشان تلعب. دا ناقوس خطر للأندية الثلاث».