«بعشق أحمد العوضي وهو أول حب في حياتي».. أبرز تصريحات ياسمين عبدالعزيز مع إسعاد يونس

حلت الفنانة ياسمين عبدالعزيز، أمس ضيفة على برنامج «صاحبة السعادة»، الذي تقدمه الإعلامية إسعاد يونس، وتصدرت حلقتها التريند بعد عدد من التصريحات .
ترصد لكم المصري اليوم أبرز تصريحات ياسمين عبدالعزيز في برنامج صاحبة السعادة
والدي ووالدتى انفصلا وكان عندي 9 سنين وكنت مسؤولة عن نفسي
قالت ياسمين عبدالعزيز «كان عندي 12 سنة لما بدأت إعلانات، وكنت زمان بتفرج على الإعلانات، وأقعد أقلد البنات، وبتخيل نفسي في الحاجة اللى عايزاها أو متخيلاها، والدتى وافقت أعمل إعلان».
وأضافت: «والدي وأخويا رفضا، ووالدي ووالدتى منفصلين وأنا 9 سنين، وهدفى كنت أعمل إعلانات عشان أعمل فلوس واشتغل واصرف على نفسي».
«بعشق أحمد العوضي وهو أول حب في حياتي»
و تابعت ياسمين عبدالعزيز: «أنا مش بحب أحمد العوضي، أنا بعشقه، ثم دخلت في نوبة بكاء شديدة، وحاولت إسعاد يونس تهدأتها».
وعن سبب انفصالهما قالت: «انفصلنا عشان ربنا عايز كده، وعملت عمرة وصليت استخارة، لكن ربنا أراد يحصل بينا كده».
«مش عارفة أعمل إيه في قلبي»
و استكملت ياسمين عبدالعزيز:«أنا طول عمري متجوزة، وعمري ما كنت سينجل، واللي طول عمره متجوز ميعرفش يكون لوحده».
وواصلت: «وحتى لما اتطلقت على طول اتجوزت أحمد، مكنتش سينجل عمري ما كنت سينجل، أنا بحب الحب وحبيبة، ومبعرفش أبقا لوحدي، بس أعمل إيه في قلبي دلوقتي».
«كنت متفقة مع العوضي أحمل وعملت 6 عمليات»
قالت ياسمين عبدالعزيز: «أنا عملت العملية عشان أشيل الأكياس عشان أحمل، وبعد مسلسل اللي ملوش كبير، اتفقت مع أحمد إني أحمل ويكون عندنا طفل، ولما دخلت العملية حصلت غلطة وربنا كتبلي عمر جديد».
وأضافت: «وأنا ساعات بنسى بس بفكر نفسي تاني باللي مريت بيه، وأدخل نفسي في المود اللي كنت حساه، وأفتكر شكلي مرة تانية لما كنت تعبانة عشان أرجع أفوق مرة تانية، ودا أكبر موقف صعب مر عليا».
واستكملت: «لأني قعدت 4 شهور في السرير، وسافرت لوحدي وكان معايا بنتي بس، وحسيت إن ربنا عايز يوصلي حاجة بعد ما عملت مسلسل مكسر الدنيا، وشهرة وكل حاجة، بس حسيت إن ربنا عايز يقولي إن هو اللي باقيلي».
وتابعت كاشفةً كواليس أزمتها: «عملت 6 عمليات، في مصر عملت 4، وبرا مصر عملت عمليتين، وكنت بحس إن ربنا عايز يقولي أنتِ مالكيش غيري، وبعد الموقف دا أنا قربت أوي من ربنا، ومبقاش يفرق معايا حد غير إن ربنا ميزعلش مني».
«قلبي واجعني بعد الطلاق والحقودين مش عايزين يشوفونا سوا»
قالت ياسمين، عن العوضي: «أنا مع أحمد لما حبيته اكتشفت أني مكنتش بحب قبل كدا، والحب اللي قبل كدا أنا محبتش».
وتابعت: «أحمد هو أول حب في حياتي، وأحمد هو حبي الحقيقي، ربنا موجود، وأنا عن نفسي عملت استخارة وعملت عمرة ودعيت ربنا، واللي ربنا رايده يكون، وربنا عايز يمشيني في أي طريق أنا راضية».
وأكملت عن الأمر: «لأن ربنا شايف كل حاجة، وأنا وأحمد عارفين إننا بنحب بعض، وأحمد أقسم بالله مخانيش أبدًا».
وعن تدخل البعض بينهما ودفعهما إلى الانفصال قالت: «فيه ناس مؤذية، والجمهور والناس الحقيقيين اللي بتحبنا، هم اللي حابينا مع بعض، وفيه ناس شريرة بتسخن وتوقع وناس حقودين، وناس مش عارفين يعني إيه حب، ومحبوش ومش عارفين يعني إيه حب، وفيه ناس مؤذية».
«مش عايزة ولادي يكونوا زيي وخليتهم يكرهوا الشهرة»
قالت ياسمين عبدالعزيز: «مش عايزة بنتي تكون زيّ، لا تمثل ولا تكون شقية».
وتابعت: «وأنا بنتي كيوت وغيري ورقيقة بزيادة، بنتي ساعات بتنسى إن أنا ماما، وأنا بخلي ولادي يتكلموا عادي ومبقدرش أشوف كدا، وبقولهم أنا جيباها من تحت».
وأضافت: «أنا مش عايزاهم يطلعوا مشاهير، ومكرههاهم في الموضوع من زمان، وبالنسبالي أنا شايفة الشهرة مش حلوة، وأنا قولت لبنتي أنتي حرة بتروحي وتيجي براحتك ومحدش بيضايقك، وسستمتهم على الطريقة دي».
وأكدت أنها تتعامل مع أبنائها كأنهم أصدقاء، متابعة: «أنا بتعامل مع ولادي إننا أصحاب، لدرجة إن بنتي ساعات بتنسى إني أمها، ولكن أنا في الأخر بفوقها، وأفكرها إني أمها».
وأكملت: «أنا أم لذيذة أوي، وفي الأول والآخر دي حياة ولادي وأسيبهم يعملوا اللي هم عايزينه، لكن بعد ما ربيتهم، وأنا كنت شقية جدًا، لكن ولادي مش كده».
اقرأ أيضا :
اليوم في «صاحبة السعادة».. الظهور الأول لابنة ياسمين عبدالعزيز ووجبة «فسيخ ورنجة»