«أنا اللي رحت القسم ومحدش قبض عليا، أنا اللي رحت سلمت نفسي، لما عرفت إن الحكومة بتدور عليا علشان الواد اللي أنا عورته مات».. قالتها «هند» الشهيرة ب«هند جرجير» بائعة الخضراوات في شارع العروبة بالطالبية في الجيزة، المتهمة بقتل «خالد» فرد أمن، 25 عامًا، خلال مشاجرة دارت بينهما على أولوية ركوب «توك توك» ثالث أيام عيد الفطر المبارك، إذ قالت المتهمة إنها «شاورت للسواق الأول»، وحين ركبت شاهدت المجني عليه وصديقه يستقلان «التوك توك» ونالا منها بالسب والقذف. «هند» شرحت في اعترافاتها أمام النيابة العامة التي تنفرد «المصري اليوم» بنشرها، أنها كانت في حالة دفاع شرعي عن النفس قائلةً: «لأ، أنا كنت بهوشوا ومكنتش عارفة أن كل ده هيحصل وكان قصدي إني أعوره بس، وهو ميعورنيش ب(المطواة) اللي كانت معاه»، مرددةً: «أنا ندمانة، وأول مرة الموقف ده يحصل معايا». وإلى نص الجزء الثالث والأخير من اعترافات المتهمة المعروفة ب«فتاة الطالبية». س: ما كيفية تسديدك للطعنة المستقرة بصدر المجني عليه؟ ج: أنا ضربته بالسكينة ضربة في صدره من الناحية الشمال. س: وهل حاول المجني عليه الاستغاثة آنذاك؟ ج: هو جري ورايا، وكان عايز يعورني. س: وهل كان برفقة المجني عليه أي أسلحة أو أدوات ليتعدى بها عليك؟ ج: هو كان في جنبه «مطواة» وطلعها ومسكها في إيده، وكان عايز يعورني. س: وهل وقفت على أمر مفارقة المجني عليه للحياة؟ ج: لأ، هو صاحبه أخده في «توك توك» ومشيوا على طول، ومكنتش أعرف إنه مات غير بعدها بشوية، لما الناس قالتلي الحكومة بتدور عليكي. س: أين ومتى وما الحالة التي تركت عليها المجني عليه؟ ج: هو، صاحبه ركبه «التوك توك» لما لقاه داخ ووقع على الأرض قدام محل أدوات الكهرباء بتاع عبدالقط. س: وما الذي حدث عقب ذلك؟ ج: أنا رحت على «فرشة» الخضار بتاعتي لميت الفرش وغطيته، وجرجت العربية الكارو في الجراج. س: ما قولك فيما ثبت بمناظرة النيابة العامة لجثمان المجني عليه (تلوناها عليها تفصيلًا)؟ ج: أيوة، أنا اللي عورته ومكنش قصدي أموته. س: ما قصدك من ارتكابك للأفعال السابق إدلاؤك بها الخاصة بالتعدي على المجني عليه؟ ج: أنا كان قصدي أدافع عن نفسي، ومكنتش قصدي أموته. س: وما الدافع من ارتكابك لتلك الأفعال؟ ج: كنت بدافع عن نفسي. س: ما كيفية ضبطك؟ ج: أنا اللي رحت القسم، لما عرفت إن الحكومة بتدور عليا علشان الواد اللي أنا عورته مات. س: من أين استحصل القائم بضبطك على السكين المعروضة رفقتك الآن؟ ج: معرفش أنا قولتلهم في المباحث السكينة اللي ضربته بيها موجودة على «فرشة» الخضار بتاعتي، وهما بعتوا حد من المباحث يجيبها. س: وهل من تفتيش تم لك؟ ج: أيوة، هما فتشوني في المباحث. س: وما الذي أسفر عنه ذلك التفتيش؟ ج: ملقوش معايا حاجة. س: ما صلتك بالنقيب مهند زاهر، معاون مباحث قسم شرطة الطالبية وهل ثمة علاقة أو خلافات فيما بينكما؟ ج: أنا معرفوش، ومفيش خلافات بينا. س: وما قولك فيما سطره الضابط سالف الذكر بمحضره المؤرخ في 12 إبريل الجاري الساعة 2:15 مساءً (تلوناه عليها تفصيلًا)؟ ج: اللي حصل أنا قلت عليه. س: ما قولك فيما سطره الضابط سالف الذكر في المحضر الساعة 10:1 مساءً (تلوناه عليها تفصيلًا)؟ ج: اللي حصل أنا قلت عليه، وأنا رحت سلمت نفسي ومحدش قبض عليا، أنا اللي رحت سلمت نفسي. س: وما قولك فيما شهد به المدعو يوسف جمعة محمد سالم بتحقيقات النيابة العامة المجراة معه بتاريخ 12 إبريل 2024 (تلونا عليها أقواله تفصيلًا)؟ ج: اللي حصل أنا قلت عليه. س: ما قصدك من ارتكابك للأفعال السابق إقرارك بها؟ ج: أنا كنت بدافع عن نفسي، ومكنتش أقصد أموته. س: هل قصدت إزهاق روح المجني عليه؟ ج: لأ، أنا كنت بهوشوا ومكنتش عارفة أن كل ده هيحصل وكان قصدي إني أعوره بس، وهو ميعورنيش ب«المطواة» اللي كانت معاه. س: وهل أنت نادمة على ارتكابك لتلك الأفعال الإجرامية؟ ج: أيوة ندمانة، وأول مرة الموقف ده يحصل معايا. س: هل لديك اسم شهرة؟ ج: هند جرجير. س: هل من ثمة سوابق جنائية لديك؟ ج: أيوة، أنا كان عندي قضايا إيصالات أمانة وقضية تحريض وخلصتهم كلهم ومش عليا حاجة خالص دلوقتي. س: هل أجبرك أحد على الإدلاء بتلك الأقوال؟ ج: لأ. س: أنت متهمة بقتل المجني عليه خالد محمد أحمد محمد عمدًا مع سبق الإصرار والترصد وذلك بأن بيَّت النية وعقدت العزم المصمم على إزهاق روحه حيث أعددت لذلك سلاحًا أبيض «سكين» مما تعد أداة قاتلة بطبيعتها كان بحوزتك وما إن ظفرت بها حتى طعنته محدثة ما به من إصاباته والتي أزهقت روحه قاصدةً من ذلك قتله؟ ج: مكنتش قصدي أقتله دي كانت خناقة. س: كما أنك متهمة بإحراز سلاح أبيض «سكين» بدون مسوغ قانوني من الضرورة الحرفية والمهنية على النحو المبين بالأوراق؟ ج: حصل، بس هي موجودة على طول على «الفرش» بتاعي. س: هل لديك أقوال أخرى؟ ج: لأ.
