محمد شاهين يوجه الشكر لفريق عمل مسلسل لحظة غضب

حرص الفنان محمد شاهين، بطل مسلسل لحظة غضب على توجيه الشكر لفريق عمل المسلسل.
ونشر محمد شاهين مجموعة صور من كواليس تصوير المسلسل على صفحته على موقع انستجرام، وعلق عليها قائلا: مش عايز أشكر حد على قد ما عايز أشكر ربنا أنه خلاني اشتغل شغل أنا بحبه وناس أنا بحبها وبرتاح في الشغل يمكن عمرى ما كان عندى شغف أنى اشتغل مع أي منتج زى ما أنا نفسي اشتغل مع مخرجين كتير وعندى الشغف والطموح أنى اشتغل معاهم».
وأضاف: «أنا أقر واعترف أنى بحب الشغل مع طارق الجنايني جدًا واتمنى أنى اشتغل معاه لحد ما يخلص مشواري على خير أن شاء الله».
وأوضح: «في الحقيقة أن دى أول مرة أقابل زيزو» عبدالعزيز النجار«أو رمانة الميزان، من أول يوم قابلته في بروڤه المسلسل.. كلمت طارق وقولته إنه مبسوط أوى.. ومن أول يوم شغل لحد آخر يوم وزيزو مصدر ثقة وأمان وتشجيع ويارب اشتغل معاك كتير ولنالت مرة ربنا بيكرمنى بالشغل مع صبا وهي احلى واصدق وابسط صبا في الدنيا.. ربنا يحميكى يا صبصو».
وتابع: «تشرفت أنى اشتغل مع الممثلين الجامدين اللى كنت معاهم من غير ترتيب والله ولا أي حسابات أنا عشقت الشغل مع ساره عبدالرحمن وأصلا أنا بحب عبدالرحمن محمد وبموت في صفوه وانبسط أوى أوى أوى بالشغل مع ريم خورى وأحلى حاجة في المسلسل أدم وكان نفسي يكون عندى مشاهد أو شغل اكتر مع على وناردين بس تتعوض إن شاء الله».
وأوضح: «أنا حقيقي كان ليا الشرف أنى اشتغلت مع العظيم محمد عبدالرؤوف مدير التصوير، وكل قسم التصوير نفر نفر، عايز أشكر كل أقسام الصوت والإخراج والانتاج والملابس على تعبهم معانا طول فتره الشغل ومعتقدتش أنى محتاج أقول أسف لحد عشان أنا مبعرفش ازعل حد.. وأشوفكم على خير كلكم».
واختتم منشوره قائلًا: «فى الأخر أحب أشكر كل الناس اللى شجعونا وحبونا وكل سنة وانتوا طيبين».
View this post on Instagram
A post shared by محمد شاهين| Mohamed shahin (@chinooooz)